İlham Əliyev AYİB-nin rəhbərini qəbul edib

Mayın 8-də dövlət başçısı İlham Əliyev Avropa Yenidənqurma və İnkişaf Bankının prezidenti Suma Çakrabartinin başçılıq etdiyi nümayəndə heyətini qəbul edib.

Əliyev Azərbaycan və AYİB arasında əməkdaşlığın uğurla inkişaf etdiyini qeyd edib.

Əliyev deyib ki, neft qiymətlərinin düşməsinə baxmayaraq, bu, iqtisadiyyatın diversifikasiyası sayəsində Azərbaycan iqtisadiyyatına ciddi təsir göstərməyib.

Onun sözlərinə görə, AYİB sədrinin səfəri əməkdaşlıq perspektivlərinin müzakirəsi üçün yaxşı imkan yaradır.

Öz növbəsində, Suma Çakrabarti qeyd edib ki, Azərbaycan etibarlı tərəfdaşdır və sədrlik etdiyi bank əməkdaşlığa böyük əhəmiyyət verir.

O, Azərbaycanda həyata keçirilən layihələrdən məmnunluq ifadə edib.

Tərəflər energetika infrastrukturunun yaradılması, informasiya-kommunikasiya texnologiyaları, nəqliyyat, kənd təsərrüfatı və s. sahələrdə əməkdaşlıq perspektivləri haqqında fikir mübadiləsi aparıblar. -02D-