İlham Əliyev: Cənubi Qafqazın iqtisadiyyatının dörddə üçü Azərbaycanın payına düşür (YENİLƏNİB)

Cənubi Qafqazın ümumi iqtisadiyyatının dörddə üçü Azərbaycanın payına düşür. Bu barədə prezident İlham Əliyev bu gün Azərbaycan regionlarının sosial-iqtisadi inkişafı dövlət proqramlarının icrasına həsr olunan konfrans-sərgidə çıxışında bildirib.  

Onun dediyinə görə, son 10 ildə Azərbaycan çox sürətlə inkişaf edib. İqtisadiyyat 3,4 dəfə, sənaye istehsalı 2,7 dəfə artıb. Bakı-Tbilisi-Ceyhan neft kəmərinin istifadəyə verilməsi ölkəyə xeyli gəlir gətirib. “Ötən il Azərbaycan iqtisadiyyatına qoyulan sərmayə rekord həddə çatıb və 28 milyard dollar təşkil edib. Daxili sərmayələr xarici sərmayələri üstələyir”.

Prezident son 10 il ərzində 1200-dən çox obyektin açılışında şəxsən iştirak edib. “Ötən 10 ildə 17 elektrik stansiyası tikilib, ölkənin 90 faizə yaxın ərazisində qazlaşdırılma aparılıb, yolların tikintisi üzrə geniş layihələr icra edilir”.

Əliyev içməli su və kanalizasiya layihələrinin də uğurla icra edildiyini söyləyib və növbəti 5 ildə bu prosesin sürətlənəcəyini bildirib. “10 ildə 2 min 700 məktəb tikilib, 500-dən çox tibb müəssisə inşa edilib, yaxud təmir olunub, 41 olimpiya idman kompleksi istifadəyə verilib, çoxlu sayda mədəniyyət ocağı tikilib və ya bərpa edilib”.

Prezident İlham Əliyev növbəti 5 il üçün yaxınlarda üçüncü dövlət proqramının qəbul ediləcəyini bildirib. 

Birinci dövlət proqramı 2004-2009-cü illəri, ikinci dövlət proqramı 2009-2013-cü illəri əhatə edib. -03D-  

2014 Fevral 05 (Çərşənbə) 12:06:03

Dövlət başçısı Ilham Əliyevin sədrliyi ilə çərşənbə günü Heydər Əliyev Mərkəzində 2009-2014-cü illərdə regionların sosial-iqtisadi inkişafına dair dövlət proqramlarının reallşadırılmasına həsr edilən illik konfrans kçeirilir.

Konfrnasin işində hökumət üzvləri, şəhər və rayonların icra başçıları iştirak edirlər. 

Qeyd edək ki, keçən ilki analoji konfransda dövlət başçısı iş adamlarını sıxışdırdılqarına, abadlıq işlərini maliyyələşdirməyə məcbur etdiklərinə görə rayon rəhbərləyini kəskin tənqidə məruz qoymuş və məmurları təvazökarlığa dəvət etmişdi.  

Amma, sosial şəbəklərdəki vəKİV-lərdəki informasiyalar məmur özbaşınalığının azalmadığını göstərir. Yerli hakimiyyətlərin ədalətsilziyi və özbaşınalığı səbəbilə ölkədə özün yandırmaqla baş verən silsilə intiharlar törəndi ki, bu da bir sadə vətəndaşların hüquqlarının pozulmasına etiraz forması oldu-06D-