İlham Əliyev möhtəkirlərlə qətiyyətli mübarizə aparmağı tələb etdi

 Azərbaycan prezidenti  İlham Əliyev müvafiq dövlət qurumlarından və baş prokurorluqdan valyuta bazarında möhtəkirliyin qarşısının alınması və ərzaq və digər məhsulların  qiymətlərinin sabitləşdirilməsi istiqamətində qəti tadbirlərin görülməsini tələb edib.

“Bəzi natəmiz insanlar, işbazlar  manatın məzənnəsi məsələsindən sui-istifadə etmək istəyirlər. Buna son qoyulmalıdır.  Süni bahalaşmaya son qoyulmalı, çox ciddi cəza tədbirləri görülməlidir. Biz sadəcə, cərimələrlə kifayətlənməməliyik. Prokurorluq orqanları bu məsələ ilə çox ciddi məşğul olsunlar, bu vəziyyətdən öz şəxsi maraqlarını təmin etmək istəyənlərə qarşı çox ciddi cəza tədbirləri görülməlidir. Bu, mətbuatda işıqlandırılmalıdır”,  -  deyə prezident bi gün  Nazirlər Kabinetinin 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında bildirib

Əliyev yararnan vəziyyəti regionda baş verən geopolitik mübarizə ilə izah edib və ABŞ, Türkiyə və Rusiyanın maraqlarının toqquşmasından, eləcə də islamofobiyanın güclənməsindən  narahatlığını bildirib.

Bununla belə Əliyev ilin cətin olmasına baxmayaraq iqtisadi göstəricilərin artımı ilə başa catdığlnı deyib.

Gözlənilir ki iclasdan geniş reportaj bu axşam dövlət televiziyası ilə göstəriləcək.—0-