Açiq mənbələrdən foto.
Bakı/27.05.22/Turan: Azərbaycanda mayın 28-də qeyd olunan Müstəqillik Günü ərəfəsində xarici dövlət başçılarından prezident İlham Əliyevin adına təbriklər daxil olur.
Mayın 26-da Rusiya, Çin və bir çox digər ölkələrin prezidentlərindən təbriklər gəlib.
Vladimir Putinin məktubunda deyilir ki, "Azərbaycan dünya arenasında haqlı nüfuz qazanıb, beynəlxalq gündəliyin bir çox aktual məsələlərinin həllində mühüm rol oynayır.
Rusiya-Azərbaycan münasibətlərinin yüksək səviyyəsini məmnunluqla qeyd edirik. Fevral ayında imzalanmış Müttəfiqlik Qarşılıqlı Fəaliyyəti haqqında Bəyannamə, heç şübhəsiz, bütün sahələrdə ikitərəfli əlaqələrin keyfiyyətcə yüksəlməsinə şərait yaradacaq. Bu, dost xalqlarımızın mənafelərinə tam cavab verir".
Çin lideri Si Cinpinin məktubunda deyilir ki, Çin-Azərbaycan münasibətləri "sağlam və sabit şəkildə" inkişaf edir.
İki ölkə arasında qarşılıqlı siyasi etimad dərinləşir, "Bir kəmər, bir yol" müştərək layihəsi üzrə əməkdaşlıq fəal inkişaf edir və beynəlxalq aləmdə qarşılıqlı fəaliyyət getdikcə möhkəmlənir.
Xatırladaq ki, İlham Əliyevi ilk olaraq ABŞ prezidenti Co Bayden mayın 20-də təbrik edib.
Mayın 28-də Türkiyə prezidenti Erdoğan Bakıya səfər edəcək, o, Azərbaycan xalqını Müstəqillik Günü münasibətilə şəxsən təbrik edəcək. -02D-
Siyasət
-
Gürcüstanda istintaq təcridxanasında aclıq aksiyası keçirən Azərbaycanın Azel.Tv saytının rəhbəri Əfqan Sadıqovun səhhətinin vəziyyəti gündən günə pisləşir. İki həftəlik aclıq aksiyası ərzində onun çəkisi 91 kq-dan 76 kq-dək azalıb. Bu barədə Turana onun həyat yoldaşı Sevinc Sadıqova jurnalistlə oktyabrın 4-də istintaq təcridxanasında görüşdükdən sonra bildirib Turan-a bildirib.
-
Oktyabrın 3-də Parisdə Fransa prezidenti Emmanuel Makron ilə Ermənistanın baş naziri Nikol Paşinyanın görüşü olub. Fransa prezidentinin mətbuat xidmətinin məlumatında deyilir ki, Makron Ermənistanın suverenliyinin və ərazi bütövlüyünün, həmçinin erməni xalqının sülh və demokratiya səylərinin dəstəklənməsində Fransanın əzmli olduğunu təsdiqləyib.
-
Avropa İttifaqının Ermənistandakı monitorinq missiyasının Rusiya və İrana qarşı kəşfiyyatla məşğul olması ilə bağlı Rusiya Federal Təhlükəsizlik Xidmətinin direktoru Bortnikovun şərhləri "Ermənistan qarşısındakı öhdəliklərin və verilən vədlərin dəfələrlə yerinə yetirilməməsini ört-basdır etməyə çalışan Rusiya rejiminə xas olan tamamilə cəfəngiyyat, yalan və manipulyasiyadır". Bu barədə Avropa İttifaqı Xarici Siyasət Xidmətinin nümayəndəsi Piter Stano Astanada MDB ölkələri təhlükəsizlik orqanları rəhbərlərinin toplantısında Bortnikovun bugünkü çıxışını şərh edərkən bildirib.
-
113 gündür həbsdə aclıq edən iqtisadçı Fazil Qasımovun hərarəti dünəndən 39 dərəcə olaraq qalır. Bu barədə cümə günü yaxınları Penitensiar Xidmətin müalicə müəssisəsində ona baş çəkdikdən sonra Turan-a bildiriblər.
Rəy yaz