İlham Əliyev Türkmənistan və Türkiyə xarici işlər nazirlərini qəbul edib

Mayın 26-da prezident İlham Əliyev Türkmənistanın xarici işlər naziri Rəşid Meredovu qəbul edib.

İkitərəfli əlaqələrin gələcək illərdə də inkişaf etdiriləcəyinə və möhkəmləndiriləcəyinə əminliyini ifadə edən dövləti başçısı bunun üçün qarşılıqlı marağın olduğunu deyib.

Münasibətlərin hazırkı səviyyəsinin razılıq doğurduğunu bildirən Prezident İlham Əliyev ölkələrimizin qarşılıqlı fəaliyyətinin regional əməkdaşlığın genişlənməsi baxımından da mühüm əhəmiyyət daşıdığını qeyd edib.

Xarici işlər naziri Rəşid Meredov Türkmənistan Prezidenti Qurbanqulu Berdiməhəmmədovun salamlarını İ.Əliyevə çatdırıb.

Eyni zamanda, prezident İlham Əliyev Türkiyə Respublikasının xarici işlər naziri Ahmet Davudoğlunun başçılıq etdiyi nümayəndə heyətini qəbul edib.

Türkiyə Respublikasının xarici işlər naziri Ahmet Davudoğlu ölkələrin təşəbbüsü ilə reallaşan Türkiyə- Azərbaycan-İran, Türkiyə-Azərbaycan-Gürcüstan və Türkiyə-Azərbaycan-Türkmənistan arasında yeni əməkdaşlıq formatının əhəmiyyətini qeyd edib. -16D-