Bu gün Bakı Apellyasiya Məhkəməsində araşdırmaçı-jurnalist Aynur İmranovanın Nəsimi rayon məhkəməsinin onun bank hesabına həbs qoyulması haqqında qərarından şikayətinə baxılıb.
İmranovanın Turan-a verdiyi məlumata görə, Apellyasiya Məhkəməsi hesaba həbs qoyulmasının səbəbini açıqlamadan, Nəsimi rayon məhkəməsinin qərarını qüvvədə saxlayıb.
Nəsimi rayon məhkəməsinin qərarında həbsin Baş Prokurorluğun Ağır Cinayətlər üzrə İstintaq İdarəsinin təqdimatına əsaslandığı qeyd edilir. İdarə “bir sıra yerli və beynəlxalq QHT-lər tərəfindən CM-in 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri üzrə” pozuntulara yol verdiyini hesab edir.
Bakı Apellyasiya Məhkəməsində işə baxılarkən prokurorluğun iki müstəntiqi iştirak edib, onlar da İmranovanın hesabına həbsin hansı səbəbdən qoyulduğunu izah etməyiblər.
Onların sözlərinə görə, ona hesaba həbs qoyulduğu haqqında bildiriş göndərilib, “görünür, bildiriş hələ ona çatmayıb”.
Bununla belə, onlar mayın 27-də İmranovanı sorğuya çağırıblar.
Xatırladaq ki, İmranovaya jurnalist araşdırması üçün Danimarkanın “İnternational Media Support” təşkilatı tərəfindən köçürülmüş 1683 avro vəsaiti verməyiblər.
Turan-ın Baş Prokurorluqdan şərh almaq cəhdləri nəticə verməyib. -16D-
Cəmiyyət
-
Azərbaycanın milli aviadaşıyıcısı AZAL noyabrın 30-dan Bakıdan Təl-Əvivə və geriyə uçuşları bərpa edir.
-
"Ünvanlı sosial yardım, ümumiyyətlə, dünyanın heç bir yerində bu praktika ömürlük mərhələ deyil. Bu, keçid bir layihədir". Bunu Milli Məclisin Əmək və sosial siyasət komitəsinin sədri Musa Quliyev noyabrın 28-də keçirilən komitə iclasında bildirib.
-
Noyabrın 30-da Bakıda və Abşeronda hava tutqun olacaq, səhər və axşam çiskin gözlənilir. Şimal-qərb küləyi əsəcək. Havanın temperaturu gecə müsbət 7 + 9, gündüz müsbət 9 + 11 dərəcə olacaq. Rütubət 70-80 faiz olacaq.
-
“Qarabağ” futbol klubu noyabrın 28-də Avropa Liqasının əsas mərhələsinin ev oyununda Fransanın “Lion” komandas;na böyük hesabla - 1:4 uduzub.
Rəy yaz