Azərbaycan vergi sahəsində qarşılıqlı inzibati yardım haqqında Konvensiyaya düzəlişlərə qoşulub

Vergilər naziri Fazil Məmmədov Parisdə “Vergi sahəsində qarşılıqlı inzibati yardım haqqında” Konvensiyaya düzəlişlərə qoşulmaq barədə protokol imzalayıb. Sənədi İqtisadi Əməkdaşlıq və İnkişaf Təşkilatı (İƏİT) adından baş katib Anxel Qurria imzalayıb, deyə Vergilər Nazirliyində Turan-a bildiriblər.

«Azərbaycan Respublikasının konvensiyaya edilmiş dəyişiklərə dair protokola qoşulması mühüm hadisədir, bu mənada ölkə rəhbərliyinin göstərdiyi siyasi iradəni həlledici amil kimi dəyərləndiririk», deyə Anxel Qurria bildirib.

Vergilər naziri Fazil Məmmədov Fransa büdcəyə məsul dövlət katibi Kristian Ekerlə görüşündə deyib ki, Azərbaycan bank informasiyalarının mübadiləsi barədə Strasburq Konvensiyasına dəyişikliklər barədə protokolu imzalayacaq.

Vergi sahəsində qarşılıqlı inzibati yardım haqqında” Konvensiya Avropa Şurası ölkələri üçün 25 yanvar 1988-ci ildən açıqdır. Azərbaycan sənədi 2003-cü ildə imzalayıb.

Konvensiya vergi qurumlarına imkan yaradır ki, ümumi prinsiplər əsasında vergi ödəyicilərinin hüquqlarına hörmətlə gömrük yığımı istisna olmaqla bütün icbari vergilər sahəsində inzibati dəstək versin.

Konvensiyaya qoşulmaq istəyən ölkələr öhdəikləri seçə bilər. Onlar öz iştirakını müəyyən vergi növləri və ya müəyyən kömək formaları ilə məhdudlaşdıra bilər. Aktiv qarşılıqlı kömək vergidən yayınma ilə mübarizəyə kömək üçündür. Həmçinin vergi ödəyicilərinin qorunmasına zəmanəti nəzərdə tutur. Əgər məlumatlar kommersiya və s sirləri açırsa,  tərəflər mlumat verməkdən imtina edə bilər. 08D