![İlham Əliyevin Serj Sarkisyana cavabı](https://turan.az/resized/750/500/resize/media/2014/main/042600076810.jpg)
İlham Əliyevin Serj Sarkisyana cavabı
Azərbaycan prezidenti İlham Əliyev Praqada “Şərq tərəfdaşlığı” sammitinin iclasında Ermənistan dövlət başçısı Serj Sarkisyanın türklərə qarşı hücumuna cavab verib.
Ermənistan prezidenti Türkiyəni “erməni soyqırımı” ilə bağlı destruktiv mövqedə və Ermənistanla sərhədi bağlamaqda ittiham edib və Türkiyənin Aİ-yə üzvlüyünə etiraz edib.
Buna cavabda Əliyev deyib:
“Təəssüf ki, Ermənistan prezidenti fürsətdən istifadə edərək, yenə Türkiyəyə hücum edir. Bunu etmək asandır, belə ki, bu masanın arxasında Türkiyə nümayəndələri yoxdur. Amma mən buradayam və Türkiyə-Ermənistan sərhədinin niyə bağlı olduğunu deyə bilərəm”.
O xatırladıb ki, Türkiyənin Ermənistanla sərhədi 1993-cü ilin aprel ayında Azərbaycanın Kəlbəcər rayonunun işğalından sonra bağlanıb. Bundan əvvəl isə Dağlıq Qarabağdan bütün azərbaycanlılar qovulub və 1992-ci ildə Ermənistan Şuşa və Laçını işğal edib.
Sonradan isə Ermənistan SQ Ağdam, Füzuli, Zəngilan, Qubadlı, Cəbrayıllı rayonunu – Azərbaycanın Dağlıq Qarabağın inzibati sərhədlərindən kənarda yerləşən ümumilikdə 7 rayonunu işğal edib.
BMT Təhlükəsizlik Şurasın, Avropa Parlamentinin və AŞPA-nın qətnamələrinə baxmayaraq, işğal davam edir. Ermənistan bu qətnamələrə məhəl qoymur və nə tarixən, nə də beynəlxalq hüquq normalarına görə ona aid olmayan əraziləri işğal etməkdə davam edir.
“Helsinki Yekun Aktında ərazi bütövlüyü və xalqların öz müqəddəratını həll etməsi prinsipləri tam aydın şəkildə əksini tapıb. Xalqların öz müqəddəratını həll etməsinə ölkələrin ərazi bütövlüyünün pozulması hesabına nail olunmamalıdır. Həm də ermənilər artıq müqəddəratlarını həll ediblər, onların müstəqil Ermənistan dövləti var”, deyə Əliyev bildirib.
“Nəhayət, sonuncu sual, Azərbaycan xalqı soruşur: Niyə Ermənistana qarşı sanksiyalar tətbiq edilmir? Niyə Avropa Şurasında Ermənistan nümayəndə heyəti səsdən və sözdən məhrum edilmir? Onlar başqa ölkənin ərazisini işğal ediblər, beynəlxalq hüquq normalarını pozurlar, BMT TŞ-nin 4 qətnaməsini kobud şəkildə pozurlar, bu zaman onlara qarşı heç bir sanksiya tətbiq edilmir, heç bir cəza verilmir. Kriminal Dağlıq Qarabağ rejiminin fırıldaqçıları Avropa paytaxtlarına vizalar alır. Buna son qoyulmalıdır”, deyə Əliyev bildirib. -06В-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz