İqlim üzrə ekspertlər: “İstixana qazı tullantıları 43 faiz azaldılmalıdır”

Bu gün dərc edilmiş  milli müəyyənləşdirilmiş töhfələr üzrə ümumiləşdirici hesabat  məyusedicidir, lakin təəccüblü deyil. Bu barədə Birləşmiş Millətlər Təşkilatının İqlim Dəyişmələri üzrə Çərçivə Konvensiyasının katibi Simon Stilin bazar ertəsi yayılmış bəyanatında deyilir.

Hazırkı milli iqlim planları “qlobal iqtisadiyyatları və bütün ölkələrdə milyardlarla insanın həyatı və dolanışıq vasitələrini iflic edən” qlobal istiləşmənin vurduğu zərərin qarşısını almaqdan xeyli geri qalır.

Mövcud planlar birlikdə tam həyata keçirilsə, 51,5 giqaton emissiya ilə nəticələnəcək. 2030-cu ildə CO2 ekvivalenti 2019-cu ildə olduğundan cəmi 2,6 faiz azdır. Belə böyük həcmdə istixana qazlarının meydana gətirdiyi çirklənmə istisnasız olaraq bütün ölkələr üçün humanitar və iqtisadi fəlakətə zəmanət verir.

İqlim dəyişikliyi üzrə hökumətlərarası ekspertlər qrupu qeyd edir ki, 2019-cu il səviyyələri ilə müqayisədə 2030-cu ilə qədər istixana qazları tullantıları 43 faiz azaldılması lazımdır. 2035-ci ilə qədər ümumi qlobal istixana qazı tullantıları 2019-cu il səviyyəsi ilə müqayisədə 60 faiz azaldılmalıdır. Bu, ən pis iqlim təsirlərindən qorunmaq üçün qlobal orta temperatur artımını 1,5 dərəcə Selsi ilə məhdudlaşdırmaq baxımından çox vacibdir.

KC-29 iqlimlə mübarizədə son dərəcə vacib  məqamdır və bugünkü hesabatın məlumatları KC-29-un niyə nəticə əldə etməsinin vacib olduğunu yada salır.

KC-28–də "Birləşmiş Ərəb Əmirlikləri konsensusu"nda qeyd olunan vədləri - bərpa olunan enerji mənbələrinin üç dəfə artırılması, adaptasiya üzrə qlobal məqsəd, bütün növ fosil yanacaqlardan imtina və adamların və onların yaşamaq üçün vəsaitlərinin hərtərəfli müdafiəsini  təmin edən onları  real nəticələrə çevirmək- həyata keçirməyə hazır olan ölkələrin nümayəndələri Bakıya gəlməlidirlər.

KC-29 təşəbbüslü KC olmalıdır və inkişaf etməkdə olan ölkələrin tələbatlarını nəzərə alaraq, iqlim maliyyələşdirilməsi üzrə  konkret və ambisiyalı nəticələrin əldə olunmasını təmin etməlidir.