İqtidar milli ideallara sadiq olmamaqda ittiham edilib
Böyük Azərbaycan mütəfəkkiri Əli bəy Hüseynzadənin anadan olmasının 150 illik yubileyilə bağlı Vətəndaş Həmrəyliyi Partiyasının (VHP) ofisində dəyirmi masa keçirilib.
VHP sədri Sabir Rüstəmxanlı Ə.Hüseynzadəni türkçülük məfkurəsinin banilərindən biri adlandırıb. XIX-XX əsrlərdə milli düşüncə tərzini formalaşdıran Azərbaycan ziyalılarından biri olmasına diqqət çəkilib.
“Türkləşmək, müasirləşmək, islamlaşmaq” şüarı ilə türk dünyasının siyasi istiqamətini müəyyənləşdirdiyi vurğulanıb. Bu “üçlü” nəzəriyyənin kökündə duran türkçülük məfkurəsini önə çəkməsi milli özünüdərki gücləndirməsi kimi dəyərləndirilib. Ə.Hüseynzadə ilə bağlı tədbirlərin davam edəcəyi və bu mövzuda seminarlar təşkil olunacağı nəzərə çatdırılıb.
Müsavat Partiyası başqanı İsa Qəmbər Ə.Hüseynzadənin irəli sürdüyü “türkləşmək, müasirləşmək, islamlaşmaq” şüarının bütün istiqamətlərinin bərabər inkişaf etdirilməsini vacib saydığını deyib. Onun fikrincə, bu istiqamətlərdən yalnız hansı birinəsə üstünlük verilməsinin doğru olmadığı qeyd olunub. Daha sonra Azərbaycan iqtidarının bu şəxslərin xatirələrinin qeyd olunmasına “soyuq” yanaşdığı xatırladılıb. Rusiya müdaxiləsi altında olan Krım türklərinin müdafiəsinə Azərbaycan iqtidarının səssiz qalması tənqid edilib. Müsavat lideri iqtidarı Ə.Hüseynzadə, Məhəmmədəmin Rəsulzadə ideallarına sadiq olmamaqda ittiham edib. Buna nümunə olaraq iqtidarın gənclərə qarşı repressiyasını, AXCP-ni ofisdən məhrum etmək üçün partlayışa belə əl atıldığını vurğulayıb.
“Borçalı” cəmiyyətinin sədri Zəlimxan Məmmədli 1993-cü ildən sonra Azərbaycanda hakimiyyətə gələn qüvvənin ölkə Konstitusiyasından türk dili ifadəsini çıxardığını, milli düşüncəni zəiflətdiyini qeyd edib. Mövcud iqtidar milli müstəqilliyi gözdən salmaqda ittiham edilib.
Bu şəxslərlə bağlı silsilə tədbirlərin davam etdirilməsinin milli düşüncənin güclənməsi üçün maarifləndirici rola malik olduğu deyilib. -05C-
-
- Cəmiyyət
- 5 Mart 2014 19:05
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz