İranın ali dini lideri xəstəxanaya yerləşdirilib
Xarici KİV İranın ali dini lideri ayətullah Əli Xamneyinin xəstəxanaya yerləşdirilməsi haqda məlumatlar yayır.
İlk məlumat İsrail, sonra isə Qərb mənbələrindən daxil olub.
Bundan əvvəl Figaro kəşfiyyat mənbələrinə isnadla bildirib ki, prostat xərçəngi ilə əlaqədar Ə.Xamneyinin “ən azı iki il ömrü qalıb”. 2014-cü ilin sentyabrında o əməliyyat olunub.
Ə.Xamneyinin 76 yaşı var. 25 ildir ki, İrana rəhbərlik edir. 1981-1989-cu illlərdə ölkə prezidentinin səlahiyətlərini icra edib.
Ə.Xamneyinin vəziyyətinin pis olması barədə çoxdan danışılır. İndi rəsmən etiraf edilib.
Ayətullah soydaşlarından xahiş edib ki, onun səhhətilə bağlı narahat olmasınlar, lakin ondan ötrü dua etmələrini və “millətin birliyini qorumalarını” rica edib.
KİV-ə sızan məlumatlara görə, Ə.Xamneyinin durumu yaxşı deyil və hakimiyyət nümayəndələri, həmçinin keçmiş prezident Mahmud Əhmədinejat ona baş çəkiblər.
Ə.Xamneyinin varisinin kim olacağı hələlik məlum deyil. Yeni dini lider məsələsi ruhanilər, siyasətçilər və İslam İnqilabı Keşikçiləri Korpusu tərəfindən seçiləcək.
İrana kimin rəhbərlik etməsi məsələsi bir sıra səbəblərdən: İranda 30 milyonluq azərbaycanlı əhalinin yaşaması, Tehranın Azərbaycana böyük siyasi və ideoloji təsirinin olması baxımından Azərbaycan üçün böyük əhəmiyyət daşıyır. -02D-
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz