ATƏT Parlamentinin Assambleyasının demokratiya və humanitar məsələlər üzrə komitəsinin rəhbəri İzabel Santos məşhur hüquq müdafiəçisi Arif Yunusun azad edilməsini alqışlayıb.
"Arif Yunusun səhhəti ilə əlaqədar azad edilməsi haqqında bugünki qərar Azərbaycanda hüquq müdafiəçilərinə qarşı münasibət fonunda nadir müsbət xəbərdir. Mən bir daha hakimiyyəti səhhətinin ağır olmasına baxmayaraq həbsdə qalan Arifin cəsur həyat yoldaşı Leylanı da azad etməyə çağırıram.
Bu gün Arifin azad edilməsinə baxmayaraq, Azərbaycanda siyasi məhbusa çevrilmiş hüquq müdafiəçilərinin və hökumət tənqidçilərinin siyahısı uzun olaraq qalır.
İnsan hüquqları və qanunun aliliyinin bu ölkəyə qayıtması üçün təcili olaraq çox şey edilməlidir", deyə Santos bildirib.
İndiyə qədər hakimiyyət dəfələrlə Santosun Bakıya səfəri zamanı Leyla Yunus və digər hüquq müdafiəçiləri ilə görüşməsinə icazə vermirdi. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz