Kütləvi etirazlar fonunda Gürcüstan parlamenti "Xarici agentlər haqqında" qanunun müzakirəsinə qayıdır
Kütləvi etirazlar fonunda Gürcüstan parlamenti "Xarici agentlər haqqında" qanunun müzakirəsinə qayıdır
"Xarici agentlər haqqında" qanunun qəbul edilməsinə etirazlar zamanı ötən gecə Tbilisinin mərkəzində 63 müxalifətçi saxlanılıb. Bu barədə çərşənbə günü brifinqdə Gürcüstanın daxili işlər nazirinin müavini Aleksandr Daraxvelidze bildirib.
Bu gün Gürcüstan parlamentində bu qanun layihəsinə yenə baxılacaq, səhər saatlarından onun əleyhdarları yenidən toplanır.
Bu qanun xaricdən maliyyə alan KİV və QHT-lər üçün reyestrin yaradılmasını və onlar üçün məcburi illik maliyyə hesabatlılığının tətbiqini nəzərdə tutur.
İkinci oxunuşda qanun layihəsinə maddələr üzrə baxılmasına 30 apreldə başlanılıb və doqquz saata yaxın davam edib. Bu mərhələdə 11 bənddən ibarət qanun layihəsinin cəmi üç maddəsinin müzakirəsi başa çatıb. Qanun layihəsinin mayın 17-də təsdiqlənəcəyi gözlənilir.
Hakimiyyət 2023-cü ilin martında kütləvi etirazlar fonunda geri çağırılan bu qanun layihəsinin yenidən gündəmə gəlməsini onunla əsaslandırıb ki, xarici donorlar "Gürcüstandakı radikal qruplar və partiyalar üçün gizli maliyyəni" artırıblar.
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz