Lənkəranda bir qrup dindar mühakimə olunub

Lənkəran Ağır Cinayətlər Məhkəməsində  Xeber44.com online-nəşrin baş redaktoru, sentyabrda həbs edilmiş Araz Quliyevin  və daha 7 nəfərin işi üzrə  hökm çıxarılıb.

Vəkil Fariz Namazlının Turan-a verdiyi məlumata görə, A.Quliyev Cinayət Məcəlləsinin 228.1 (qanunsuz olaraq odlu silah, onun komplekt hissələrini, döyüş sursatı (yivsiz odlu ov silahı və həmin silah üçün döyüş sursatı istisna olmaqla), partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə), 233 (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə), 283.1 (milli, irqi, sosial və ya dini nifrət və düşmənçiliyin salınmasına, milli ləyaqətin alçaldılmasına, habelə milli, irqi və ya dini mənsubiyyətindən asılı olaraq vətəndaşların hüquqlarının məhdudlaşdırılmasına və ya üstünlüklərinin müəyyən edilməsinə yönələn hərəkətlər, aşkar surətdə və ya kütləvi informasiya vasitələrindən istifadə olunmaqla törədildikdə), 315.2 (hakimiyyət nümayəndəsinə qarşı müqavimət göstərmə və ya zor tətbiq etmə), 324 (Azərbaycan Respublikasının dövlət bayrağı və ya Azərbaycan Respublikasının dövlət gerbi barədə təhqiredici hərəkətlər)  təqsirli bilinərək  8 il azadlıqdan məhrum edilib.

Digərləri Xalid Kazımov 8 il  Ziya Tahirov 7 il, Rza Ağalı 7 il, Namiq kişiyev 4 il 6 ay , Surac Ağayev 5 il  ,Nicat Əliyev 4 il 6 ay və  Vüsal Quliyev 3 il  şərti cəza verilib.

Vəkilin sözlərinə görə, hüquqlarını müdafiə etdiyi A. Quliyev özünü ona qarşı irəli  ittihamlarla günahkar saymadığını bildirib. O, bu ittihamların səbəb kimi hakimiyyəti tənqid edən yazılar yazmasını göstərib.

Vəkil həmçinin 324 (Azərbaycan Respublikasının dövlət bayrağı və ya Azərbaycan Respublikasının dövlət gerbi barədə təhqiredici hərəkətlər)  maddəsində heç bir maddi subutun olmadığını  gətiriərək bu maddənin nədən ona verildiyini  anlamır. Buna görə də vəkil ona verilmiş  bu ittihamlarla razılaşmayaraq hüquqlarının müdafiə elədiyi şəxsin həbsini siyasi sifarişli sayıb.

Digər müttəhimlər də özlərini təqsirli saymadıqlarını bildiriblər.-16B-