Bu gün Lənkəran məhkəməsində yerli “Hüseyniyyə” məscidində baş vermiş hadisə ilə əlaqədar təqsirləndirilən dindarlar İlkin Əsədov və İbrahim Azadov haqqında hökm çıxarılıb.
Hər iki müttəhim xuliqanlıqda təqsirli bilinib və 2 il sınaq müddəti olmaqla, 3 il müddətinə şərti azadlıqdan məhrumetmə cəzasına məhkum edilib. Bu barədə Turan-a vəkil Anar Qasımlı bildirib.
Müttəhimlər məhkəmə zalında sərbəst buraxılıblar. Onlar özlərini təqsirli bilməyiblər. Hökmdən apellyasiya şikayəti veriləcək.
* 5 dekabr 2012-ci ildə təqsirləndirilənlərlə “Hüseyniyyə” dini icmasının rəhbəri Həmidulla Əliyev arasında insident baş verib.
Sonuncu polisə şikayət edərək, Əsədovu və Azadovu ona bədən xəsarətləri yetirməkdə ittiham ediblər. Elə həmin vaxt onlara qarşı cinayət işi açılıb. -16D06-
Siyasət
-
ABŞ prezidenti Donald Tramp helikopter və təyyarənin toqquşmasından bir neçə saat sonra, Ağ Evdə ilk mətbuat konfransını keçirib.
-
Fəal Clalə Cavadov saxlanılıb. Onunla saat 16.00-dan əlaqə kəsilib.
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi davam edib. İclasın əvvəlində elan edilib ki, bu iş üzrə şahid iclasa gələ bilməyəcək, buna görə proses fevralın 6-na təxirə salınıb.
-
Yanvarın 30-da Bakı Apellyasiya Məhkəməsi “Meydan TV işi” üzrə həbs edilmiş jurnalist Aytac Tapdığın şikayətini təmin etməyib. Bu barədə Turan-a vəkil Cavad Cavadov bildirib.
Rəy yaz