Maliyyə naziri ABŞ-da «Cənub» qaz dəhlizi layihəsini müzakirə edəcək

Maliyyə naziri Samir Şərifovun başçılıq etdiyi nümayəndə heyəti “Cənub” qaz dəhlizi layihəsinin maliyyələşdirilməsi üzrə danışıqlar üçün ABŞ-a gedib.

Maliyyə Nazirliyi mətbuat xidmətinin məlumatına görə, Dövlət Neft Fondu və “Cənub Qaz Dəhlizi” QSC-nin nümayəndələrindən ibarət heyət oktyabrın 7-də  oktyabr Vaşinqtonda  Beynəlxalq Valyuta Fondu (BVF) və Dünya Bankında danışıqlar  aparıb.

Mənbənin məlumatına görə, danışıqların mövzusu sözügedən maliyyə qurumlarının “Şahdəniz” qaz-kondensat yatağının istismarının ikinci mərhələsinin işlənməsində iştirakının mümkünlüyü olub.

“Cənub” qaz dəhlizi” layihəsinin həyata keçirilməsi ilə bağlı ABŞ hökumətinin dəstəyinin Azərbaycanda yüksək qiymətləndirildiyi qeyd olunub.

Həmçinin qarşılıqlı maraq doğuran digər məsələlər üzrə beynəlxalq maliyyə təşkilatları çərçivəsində sıx əməkdaşlıq ətrafında müzakirələr aparılıb.

Xatırladaq ki, “Cənub” qaz dəhlizi layihəsi Xəzər yataqlarından Azərbaycan vasitəsilə Avropaya qaz nəqlini nəzərdə tutur. -05D-