M.Əliyeva: Məsuliyyətimi dərk edirəm

Fevrlaın 21-də Azərbaycanın birinci vitse-prezidenti təyin edilən Mehriban Əliyeva Milli Təhlükəsizlik Şurası önündə çıxış edib edib.

M.Əliyeva ona göstərilən etimada görə, təşəkkürünü bildirib: “Bu vəzifəyə təyin olunmaqla öhdəmə düşən məsuliyyətin ciddiliyini tam şəkildə dərk edirəm və inanıram ki, cənab Prezident, mənə inanan bütün insanların etimadını doğrultmağı bacaracağam”.

M.Əliyeva məhz ölkə prezidentinin dövlətçilik ideyaları, vətənpərvərliyi, Azərbaycan dövlətinin maraqlarını sədaqətlə, iradə ilə, cəsarətlə qorumağı, xalqla birliyinin bütün insanlara nümunə olduğunu bildirib.

M.Əliyeva rəhbərlik etdiyi Heydər Əliyev Fondunun 13 ildir ki, öz fəaliyyətini humanizm prinsipləri əsasında qurduğunu, bu illər ərzində bir çox irimiqyaslı layihələr icra etdiyini bildirib: “Biz Azərbaycanın ictimai və siyasi həyatında fəal iştirak edirik. Biz infrastruktur layihələri icra edirik. Eyni zamanda, biz 13 il ərzində ayrı-ayrı insanların problemlərinə heç zaman biganə qalmamışıq”.

M.Əliyeva insanlarla ünsiyyətdə olmağı, onları dinləməyi, köməyə ehtiyacı olana kömək etməyi Heydər Əliyev Fondunun hər bir əməkdaşının birbaşa vəzifəsi adlandırıb.

Son olaraq, M.Əliyeva gələcək fəaliyyətini məhz bu prinsiplər əsasında qurmağa çalışacağını, ölkə və xalqın maraqlarını hər şeydən üstün tutacağanı, Azərbaycana layiqincə xidmət etməyə çalışacağını ifadə edib. -05D-