![Memorandum müxalif qüvvələrin konsolidasiya mexanizmi kimi dəyərləndirildi](https://turan.az/resized/750/500/resize/media/2012/main/120400020258.jpg)
Memorandum müxalif qüvvələrin konsolidasiya mexanizmi kimi dəyərləndirildi
İctimai Palata (İP) “Seçki islahatı Memorandumu” ilə bağlı çərşənbə axşamı öz ofisində dinləmələr keçirib.
Adı çəkilən Memorandumu hüquqşünaslar və seçki mütəxəssisləri hazırlayıblar. Sənədin hazırlanmasında məqsəd bir tərəfdən demokratik seçki keçirməyə imkan yaradılması, digər tərəfdən isə müxalifət qüvvələrinin ədalətli seçki keçirilməsi ideyası ətrafında birləşə bilməsidir. İP təmsilçisi Vidadi Mirkamal Memorandumu bütün müxalifət qüvvələrinin bu sənədi qəbul edə bilməsi üçün müxtəlif birliklərdə təmsil edilən siyasi partiyaların seçkilə bağlı təkliflərini ümumiləşdirən sənəd adlandırıb. O, müxalifət qüvvələrinin bu sənəd ətrafında birləşərək, 2013-cü ilə vahid qüvvə kimi daxil ola bilməsinə şans yarandığını söyləyib.
Memorandumu hazırlayan hüquqşünaslardan Hafiz Həsənov indiki seçki məcəlləsinin demokratilk seçki keçirməyə heç bir imkan vermədiyi üçün seçki islahatına ciddi ehtiyac olduğunu deyib. Bu sahədə prioritet olaraq 6 istiqamət üzrə islahatları əsas götürüblər. Seçki sisteminin dəyişilərək, proporsional seçki sisteminin bərpa olunması, seçki komissiyalarının tərkibinin əsas siyasi qüvvələr arasında balanslı şəkildə formalaşdırılması, namizədlərin irəli sürülməsi və qeydiyyatı prosesinin sadələşdirilməsi, seçki öncəsi təşviqat kampaniyası üçün 60, seçki prosesi müddətinin 120 gün davam etməsi müddətinin bərpa edilməsi, sərbəst toplaşmaq azadlığının təmin olunması, bütün tərəflərin bərabər pulsuz və pullu efir vaxtına malik olması, seçki hüquqlarının pozulması hallarının obyektiv araşdırılması üçün müstəqil komissiya yaradılması, səslərin saxtalaşdırılmaması, paralel sayılması müddəasının qanunda əksini tapması istiqamətləri prioritet hesab olunub. H.Həsənov əslində bu sənəddə yeni heç nə demədiklərini, vətəndaş cəmiyyəti institutlarının seçkilə bağlı səsləndirdikləri təklifləri sistemli hala saldıqlarını söyləyib.
AXCP sədri Əli Kərimli sənədi müxalifət qüvvələrinin konsolidasiyası üçün uğurlu variant adlandırıb. Bu sənədi hakimiyyətin qəbul edə bilməsi üçün təzyiq mexanizmindən də istifadə olunmasının vacibliyi xatırladılıb. Bu istiqamətlərin hər-hansı birinin qəbul edilməsinin hakimiyyətin seçkiyə nəzarətini zəiflədəcəyi ifadə olunub. Bu prioritetlərə qarşı hakimiyyətdən başqa heç bir siyasi qüvvənin çıxmayacağına inam bildirilib. Sənədin cəmiyyətə təqdim edilərək, cəmiyyətin diqqətinin Memorandum üzərində fokuslaşmasının vacibliyi qeyd edilib.
Müsavat Partiyası başqanı İsa Qəmbər də sənədi demokratik qüvvələrin bir ideya ətrafında toparlana bilməsi vasitəsi adlandırıb. İ.Qəmbər heç bir avtoritar rejimin seçki vasitəsilə dəyişməməsinə, amma məhz seçki ilində dəyişməsinə diqqət çəkib. -05C-
-
- Siyasət
- 4 Dekabr 2012 16:47
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz