Mətbuat Şurasının İdarə Heyətinin yeni tərkibi

Azərbaycan jurnalistlərinin VI qurultayında Mətbuat Şurasının İdarə Heyətinin yeni tərkibi formalaşdırılıb. İH-yə 17 nəfər, o cümlədən çap KİV-lərindən 8, ictimaiyyətdən 6, yeni mediadan 3 nəfər daxil olub.

Çap KİV-lərindən əksəriyyəti İdarə Heyətinin əvvəlki üzvləri - hakimiyyətə qarşı loyallığı ilə məşhur olan şəxslər – Əflatun Amaşov, Vüqar Rəhimzadə, Ümid Mirzəyev, Rəşad Məcid, Bəxtiyar Sadıqov, Tapdıq Abbas və Aydın Quliyev seçilib.

Eyni zamanda “Yeni Müsavat” qəzetinin baş redaktoru Rauf Arifoğlu İdarə Heyətinin üzvü seçilib.

İctimaiyyətdən də Mətbuat Şurasına hakimiyyəti dəstəkləməsi ilə məşhurolan şəxslər – deputatlar Aqil Abbas, Cavanşir Feyziyev və Musa Qasımlı, Jurnalistlərin Həmkarlar İttifaqının sədri Müşfiq Ələsgərli və BDU-nun jurnalistika fakultəsinin dekanı Şamil Vəliyev daxil olub.

İnternet-portallardan MŞ-nin İdarə Heyətinə “APA Holding” prezidenti Vüsalə Mahirqızı, Elmlər Akademiyasının İKT İnstititutunun direktoru Rasim Əliquliyev, ekspert Azər Həsrət daxil olub.

Böyük auditoriyası olmasına baxmayaraq, rusdilli çap və on-line nəşrlərin təmsilçilərinin Mətbuat Şurasının İdarə Heyətində olmaması diqqət çəkir.

Amma ən maraqlısı budur ki, Jurnalistlər İttifaqının sədri Elçin Şıxlı Mətbuat Şurasına daxil olmayıb. -06D-