Bakı/17.03.20/Turan: Azərbaycan parlamenti bugünkü iclasında epidemioloji, karantin və sanitariya-gigiyena rejimlərinin pozulmasına görə cəzaları sərtləşdirib.
Belə ki, İnzibati Xətalar Məcəlləsinə edilən düzəlişlərə əsasən fiziki şəxslər 100 manatdan 200 manatadək (60-120 dollar), vəzifəli şəxslər 1500 manatdan 2000 manata (900-1200 dollar) cərimə olunacaqlar.
İşin vəziyyətindən asılı olaraq qeyd olunan pozuntulara görə bir aya qədər həbs cəzası təyin edilə bilər.
Həmçinin Cinayət Məcəlləsinə düzəliş edilib. Bu düzəlişlərə görə, epidemioloji, karantin, sanitariya-gigiyena rejimlərinin pozulması xəstəliklərin yayılmasına və ya onların yayılması təhlükəsinə səbəb olarsa, bu hərəkətlər 2,5 min manatdan 5 min manatadək (1500-3000 dollar) cərimə və ya azadlığın 3 ilədək məhdudlaşdırılması və ya 3 ilədək azadlıqdan məhrumetmə ilə cəzalandırılacaq.
Həmin hərəkətlər insan ölümü və ya digər ağır nəticələrə səbəb olarsa, 3 ildən 5 ilədək azadlığın məhdudlaşdırılması və ya eyni müddətə azadlıqdan məhrumetmə tətbiq ediləcək.—06D-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz