Milli Şuranın milli maraqlara xidmət etməli olması, İctimai Palatanın şaxlanması önə çıxır
İctimai Palata (İP)-Vətəndaş Hərəkatı şənbə günü Müsavat Partiyasının ofisində növbəti sessiyasını keçirib.
Xalq Cəbhəsi Partiyasının sədri Əli Kərimli ölkənin etiraz elektoratını öz ətrafında birləşdirən Milli Şuranın (MŞ) yaradılmasını “İP-kı qüvvələrin fəaliyyətinin nəticəsi” sayıb. MŞ-da son 20 ildə bir araya gələ bilməyən qüvvələrin birləşməsi kimi siyasi prosesin baş verdiyi vurğulanıb. Haqqı çatan bir sıra insanların bu qurumun tərkibinə düşə bilməməsinə Ə.Kərimli iradların ola bilməsini mümkün sayıb.
MŞ-nin ideal olmadığı, amma kompromislər nəticəsində yaranan qurumun bundan artıq ola bilməyəcəyi də xatırladılıb. Müxalif qüvvələrin kifayət qədər optimist olduğu, iqtidarınsa indiki qədər heç zaman həyəcanlı olmadığıl xüsusi qeyd edilib. İqtidarın belə duruma “ərəb inqilabları” zamanı düşdüyü söylənilib. YAP-ın qurultayının avqust ayından iyun ayına çəkilməsi də bu təlaş və həyəcanın nəticəsi kimi şərh edilib. İlham Əliyevin 3-cü dəfə namizədliyinin böyük dövlətlərlə razılaşdırılması haqda iqtidar mənsublarının bəyanatı “uydurma” adlandırılıb.
Ayrı-ayrı natiqlər çıxışlarında MŞ yaradıldıqdan sonra İP-nin sonrakı taleyinə toxunaraq bu qurumun saxlanılmasını vacib sayıblar. Bu saxlanma MŞ-nin qərarlarının icrasında İP-nin “mühüm rol oynaya bilməsi”lə əsaslandırılıb. Bu paralelliyin heç də bir qurumun digər qurumun fəaliyyətinin təkrarı anlamına gəlmədiyi vurğulanıb. Vahid namizəd məsələsi ilə bağlı natiqlər qeyd ediblər ki, bu namizədin kim olmasından asılı olmayaraq seçkinin taleyini Müsavat və AXC partiyalarının həll edəcəyi nəzərə çatdırılıb.
Müsavat Partiyasının başqanı İsa Qəmbər də İP-nin saxlanması fikrində olduğunu söyləyib. MŞ haqda müxtəlif söz-söhbətlər olmasına diqqət çəkilib. “Hətta MŞ-nin “Rusiyanın proyekti” olmasını deyənlər də var”-deyə İ.Qəmbər cəmiyyətdə MŞ haqda birmənalı mövqe olmamasını qeyd edib. Müsavat lideri bu mənada müxalifət qüvvələrinin MŞ-nin Azərbaycan maraqlarına xidmət etməsini təmin etməli olduqlarını vurğulayıb. “Şuranın qərarları kiminsə xoşuna gəlmək üçün yox, Azərbaycan xalqının maraqları ilə üst-üstə düşdüyü üçün verilməlidir”, - İ.Qəmbər mövqeyini ifadə edib.
Müsavat lideri MŞ ilə Müsavat Partiyası arasında müzakirə mövzusu olan “Avroatlantik məsələ”yə də toxunub. Bu məsələ MŞ ilə müzakirələrin ilk günündən ortada olub, MŞ-nin Bəyannaməsində özünə yer alıb. Bu məsələnin prinsipiallığı xüsusi olaraq önə çəkilib.
İ.Qəmbər vahid namizəd olmaq istəyən şəxsin ölkədə olmasını vacib şərt sayıb, ölkənin ikinci Rəsul Quliyev sindromu yaşamamasını önəmli sayıb. Vahid namizəd olmaq istəyən şəxsin iddiasını ortaya qoyması əsas hüsab edilib.
“Bugünkü məsuliyyəti boynuna götürməyən şəxs nə cür bizim vahid namizədimiz ola bilər?”, - Müsavat lideri kimlərəsə konkret mesaj ünvanlayıb. Avtoritar rejimlə idarə edilən ölkədə porezidentliyə namizədliyin irəli sürülməsinin belə cəsarət olduğu deyilib. “Biz Azərbaycanın taleyini ümumi söhbət və danışıqların öhdəsinə buraxa bilmərik, bu, milli-demokratik qüvvələr üçün prinsipial məsələdir və bizim mövqeyimiz MŞ-nin yalnız Azərbaycanın maraqlarına xidmət etməsidir”, - Müsavat başqanı mövqeyini bir daha ifadə edib.-05C-
Rəy yaz