Mingəçevir İES-də qəzanın yeganə səbəbi sistemli böhrandır

Bakı/09.07.18/Turan: Mingəçevir İES-də baş vermiş qəza təkcə son illər 6 mlrd. dollardan çox sərmayənin qoyulduğu enerji sistemindəki problemi yox, həm də

idarəetmədəki sistemli böhranı ortaya çıxardı. İndiki halda söhbət nə iqtisadiyyatdan, nə də siyasətdən getmir - bu, baza dəyərlərin sistemli böhranıdır. İdarəetmədə sistemli böhran baş verəndə effektivliyin istənilən adi qiymətləndirməsi mənasını itirir, nəticələrlə bağlı günahkar axtarmaq isə ayrıca problemdir.

"Problem xəstəlik kimidir. Yalnış diaqnoz qoyarsan müalicə nəticə verməyəcək və

zərərli olacaq", - iqtisadçı Rövşən Ağayev baş verənlərlə bağlı vəziyyəti qiymətləndirib. Bəli, biz müəyyən səthi tədbirlər görə bilərik, ancaq bir müddət sonra bu, yenə özünü göstərəcək, xəstəlik daha kəskin mərhələyə keçəcək. İlk baxışdan infrastruktur böhranı ayrı-ayrı şəxslərin işi kimi, kiminsə məsuliyyətsizliyinin nəticəsi kimi görünə bilər. Bu məsələ daha mürəkkəb və miqyaslı xarakter alır.

İdarəçilik kollektiv oyuna bənzəyir, burada hər manqanın öz rolu və məsuliyyəti var. Əyanilik üçün futbol ilə müqayisə etmək olar. Əgər komanda məğlubiyyətə

uğrayıbsa burada ayrı-ayrı şəxslərin məsuliyyətsizliyi və ya səriştəsizliyi var.

Komandanın ayrı-ayrı üzvlərinin rolu fərdi qiymətləndirilir, lakin komanda strategiyanın formalaşması və oyunçuların düzgün seçiminə görə məsuliyyət daşıyır.

Beləliklə, idarəetmə sisteminin səviyyəsi, siyasi azadlıqlar, toplaşma və fikrin ifadə edilməsi azadlığı, demokratik seçki sisteminin olması, icra hakimiyyətinin hesabatlılığı və xalqın maraqları naminə fəaliyyəti, iqtisadi sabitlik və enerji sisteminin vəziyyəti arasında əlaqə var.

"Bu yaxınlarda Mingəçevirdə baş vermiş hadisə dövlət şirkətlərində çoxillik korrupsiyanın göstəricisi oldu", - iqtisadçı-ekspert Qubad İbadoğlu hesab edir.

Onun sözlərinə görə, qəza pis idarəçilik problemini ortaya qoydu, fövqəladə

vəziyyətlərdə məsul qurumlar arasında koordinasiyanın, böhranlı idarəetmə və menecment proqramlarının olmadığını göstərdi. Bu baxımdan Mingəçevir İES-də qəza sonuncu olmayacaq.

Onun sözlərinə görə, keçmiş və gələcək qəzaların səbəbi məhz korrupsiyadır.

Korrupsiyaya uğramış məmurlar potensial partlayış mənbələridir. Beləliklə,

bu cür hadisələr təkcə Mingəçevir və Gəncədə yox, ölkənin başqa regionlarında, dövlət mülkiyyəti sahələrində baş verə bilər, çünki korrupsiya ölkəni içindən dağıdır. Ən pisi isə odur ki, korrupsiyaya uğramış məmurlar cərimə meydançasında deyil, çünki korrupsiya sistemlidir və idarəetmənin əsasını təşkil edir.

Korrupsiyaya qarşı mübarizədə siyasi iradə yoxdur, korrupsiyaya uğramış məmurlar cəzalandırılmır, bu cür hallar davam edir. Ekspert təkcə energetika deyil, digər sahələrdə də gələcəkdə belə halların baş verməməsi üçün iri dövlət

müəssisələrinin rəqabət prinsipi üzrə özəlləşdirilməsini təklif edir. Ümumilikdə,

ölkə avtoritar rejim şəraitində belə insidentlərin təkrarlanmasından sığortalanmayıb.

Qeyd edək ki, bu hadisələrin fonunda iyulun 3-də ölkənin ikinci böyük şəhəri

Gəncədə atəş səsləri eşidildi və şəhərin icra başçısı Elmar Vəliyev ağır yaralandı.

"Bu atəş çoxlarının ürəyinə yağ kimi yağıldı. Nədənsə sosial şəbəkələrdə çoxları

Y.Səfərovu "xalq qəhrəmanı- qisasçı", azərbaycanlı Robin Qud adlandırmağa başladı və onun polis tərəfindən ona qarşı işgəncələri pislədi", - azərbaycanlı

hüquq müdafiəçisi Arif Yunusov öz Facebook səhifəsində yazıb. Bu hadisə, ən əsası cəmiyyətin insidentə münasibəti baş verənlərin qiymətləndirilməsində son akkord oldu. -0-