Oktyabrın 20-də Bakıda Park Inn otelində Aİ tərəfindən maliyyələşdirilən MOBILAZE layihəsi çərçivəsində sənədlərin təhlükəsizliyi komponenti üzrə birinci seminar olacaq. Bu barədə Aİ missiyasının məlumatında deyilir.
“Azərbaycanla mobillik naminə tərəfdaşlığın həyata keçirilməsinə dəstək (MOBILAZE)” layihəsində məqsəd miqrasiya idarəçiliyinin gücləndirilməsinə yardım etməkdir.
Layihə Azərbaycan hökumətinin miqrasiya sahəsindəki monitorinq, təhlil və proqnozlaşdırma potensialının artırılmasını, əmək miqrasiyası, sənədlərin təhlükəsizliyi, milli sığınacaq siyasəti sahəsində və geri qayıdan Azərbaycan vətəndaşlarının davamlı reinteqrasiyasının həyata keçirilməsində idarəçiliyin və potensialın gücləndirilməsini, o cümlədən Aİ və Azərbaycan arasında mobilliyə dair ictimai məlumatlılığın artırılmasını nəzərdə tutur.
Seminar zamanı mütəxəssislər və ekspertlər sənədlərin təhlükəsizliyi sahəsində metodik vəsaitin və kurikulumun, eləcə də distant tədris elektron vəsaitinin işlənib hazırlanmasını müzakirə edəcəklər.
Seminarda Azərbaycanın dövlət qurumlarının, Aİ missiyasının nümayəndələri, litvalı ekspertlər və Miqrasiya Siyasətinin İnkişafı üzrə Beynəlxalq Mərkəzin mütəxəssisləri iştirak edəcəklər.-16D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz