Mevlüt Çavuşoğlu.
Mövlud Çavuşoğlu Sergey Lavrovla Azərbaycan sərhədlərinin təhlükəsizliyini müzakirə edəcək
Ankara/28.12.20/Turan: Türkiyənin xarici işlər naziri Mövlud Çavuşoğlu bazar ertəsi bildirib ki, Soçidə keçirilən görüşdə rusiyalı həmkarı Sergey Lavrovla Azərbaycan sərhədlərinin təhlükəsizliyini müzakirə edəcək.
O deyib ki, Türkiyə Rusiya ilə bir çox sahələrdə əməkdaşlıq edir, baxmayaraq ki, bəzən tərəflərin mövqeyi üst-üstə düşmür. Onun sözlərinə görə, Suriya və Liviya ilə bağlı Moskva və Ankaranın mövqeləri üst-üstə düşmür, lakin əməkdaşlıq davam edir.
"Biz Azərbaycan və Ermənistan mövzusunu da müzakirə edəcəyik. Azərbaycanın sərhədlərinin təhlükəsizliyinin beynəlxalq hüquq tədbirləri çərçivəsində təmin edilməsi vacibdir. Bu məsələdə atılacaq addımları nəzərdən keçirəcəyik",- Çavuşoğlu Ankarada mətbuat konfransında bildirib.
Bundan öncə Rusiya XİN bildirmişdi ki, Çavuşoğlu Rusiya-Türkiyə Yüksək Səviyyəli Əməkdaşlıq Şurası çərçivəsində fəaliyyət göstərən strateji planlaşdırma qrupunun səkkizinci iclasında iştirak etmək üçün dekabrın 29-da Soçiyə səfər edəcək.02D-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz