Müsavat bələdiyyə seçkilərində iştirak barədə qərar qəbul edib

Müsavat Partiyası şənbə günü keçirilən sessiyasında 2014-cü ilin dekabrında bələdiyyə seçkilərində iştirak barədə qərar qəbul edib.

“Mən partiyanın bələdiyyə seçkilərində iştirakına tərəfdaram. Biz bu seçkilərdə iştirak etməküçün bütün səyləri səfərbərliyə almalıyıq. Bu, parlament seçkilərinə hazırlıq baxımından da çox mühümdür”, - Müsavat Partiyasının lideri bildirib.

Qərar böyük səs çoxluğu ilə qəbul olunub, bir nəfər əleyhinə, bir nəfər bitərəf olub.

Həmçinin bütün bələdiyyələrdə namizədlərin irəli sürülməsi məqsədilə rayon partiya təşkilatlarına seçkilərə hazırlıqla bağlı tapşırıqlar verilib.

Bundan əlavə, Müsavat Partiyası seçki qanunvericiliyinə dəyişikliyin edilməsi məqsədilə beynəlxalq təşkilatlara müraciət etmək niyyətindədir.

Digər müxalifət partiyaları kimi Müsavat Partiyası da seçki komissiyalarının tərkibinin dəyişdirilməsini, onların hakim Yeni Azərbaycan Partiyasının nəzarətindən çıxarılmasını vacib hesab edir.

Azərbaycanda yerli özünüidarəetmə sistemi 1999-cu ildə yaradılıb və o zaman ilk bələdiyyə seçkiləri keçirilib və 2757 bələdiyyə formalaşıb.Lakin birləşmə nəticəsində onların sayı xeyli azalıb. Hazırda onların sayı 1700 olar. -06D-