![Müsavat Ukraynada yaşayan soydaşları Ukrayna prezidenti seçkilərində iştirak etməyə çağırdı](https://turan.az/resized/media/2014/main/052400079544-750-500-resize.webp)
Müsavat Ukraynada yaşayan soydaşları Ukrayna prezidenti seçkilərində iştirak etməyə çağırdı
Müsavat Partiyası Ukraynadakı soydaşları seçki prosesinə Ukrayna qanunvericiliyinin tələbləri əsasında yardım etməyə, Ukrayna vətəndaşı olan azərbaycanlı soydaşlarımızı isə 25 may 2014-cü il tarixində keçiriləcək prezident seçkiləri günü seçki məntəqələrinə gedərək demokratik qüvvələrə səs verməyə, seçkinin elə ilk turda yekunlaşmasına dəstək verməyə çağırır.
Mürciətdə bu seçkilər nəticəsində Ukraynanın Avropaya inteqrasiya tərəfdarlarının qalib gələcəyinə inamı ifadə edilir: “Ukraynanın Avropaya inteqrasiya prosesinin dayandırılıb ölkəınin yenidən Rusiyanın təsir dairəsinə salınması cəhdlərinə etiraz olaraq Ukrayna xalqının 2013-cü ilin noyabr ayından başladığı mübarizənin məntiqi sonluğu kimi Ukrayna Radasının qəbul etdiyi qərara əsasən 25 may 2014-ci il tarixində Ukraynada növbədənkənar prezident seçkiləri keçiriləcək. Əslində bu seçki ilə Ukrayna xalqı seçmiş olduğu dəyərləri təsdiq edəcək. Bu qərardan sonra Rusiyanın beynəlxalq normalara və öz öhdəliklərinə zidd olaraq, Ukraynanın ərazi bütövlüyünü pozması, hərbi müdaxilə ilə Krım Muxtar Respublikasını işğal edərək öz ərazisinə qatması nəticəsində Ukrayna xalqının və bu torpaqların əzəli sakini olan Krım tatarlarının hüquq və azadlıqları kobud şəkildə tapdanıb. Ukraynanın şərqində Rusiyanın nəzarəti altında olan qüvvələr tərəfindən həyata keçirilən təxribatlar və hərbi müdaxilə cəhdləri isə prezident seçkilərinin qarşısının alınması istiqamətində qanunazidd addımlarıdır”.
Müsavat Partiyası Ukraynda gedən proseslərin Azərbaycan üçün son dərəcə önəmli oduğunu, bu proseslərin uğurunun Azərbaycanda da demokratiyanın inkişafı və azad cəmiyyətin formalaşmasında mühüm rol oynayacağını bildirir. -0-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz