Nəsimi Rayon Məhkəməsinin qarşısında saxlanılan şəxslər polis bölməsində döyülüblər
Bazar ertəsi Nəsimi Rayon Məhkəməsinin binası qarşısında saxlanılan Xalq Cəbhəsi Partiyasının 10 fəalı Bakının Nəsimi Rayon Polis İdarəsinin 20-ci polis bölməsində döyülüb.
Onlar barəsində İnzibati Xətalar Məcəlləsinin 510-cu və 535.1-ci maddələri (kiçik xuliqanlıq və polisə tabe olmama) ilə protokol tərtib edilib.
Bu barədə Turan-a saxlanılanlardan biri - Gülnarə Rəhimova bildirib. O, sərbəst buraxılıb.
Onun sözlərinə görə, dörd fəalı amansızca döyüblər. "Ruslan Əmirovun üzü eybəcər hala salınıb, sol qabırğası qırılıb və o, çətinliklə nəfəs alırdı. Məni də döyüblər, əl barmağımda dırnağım qopdu. 10 fəal hələ də bölmədədir", deyə o bildirib.
DİN AXCP üzvlərinə qarşı zorakılıqla bağlı şərh vermir.
Xatırladaq ki, fəallar partiya lideri Əli Kərimlinin işi üzrə keçirilən prosesdə onu dəstəkləmək üçün gəldikləri Nəsimi Rayon Məhkəməsinin binası qarşısında saxlanılıblar.
Siyasət
-
Azərbaycan Prezidenti İlham Əliyev Milad bayramı münasibətilə Azərbaycanın pravoslav xristian icmasını ürəkdən təbrik edib və ölkənin multikultural harmoniya və dini dözümlülük prinsiplərinə sarsılmaz bağlılığını vurğulayıb.
-
Yanvarın 6-da Bakı Ağır Cinayətlər Məhkəməsində casusluqda ittiham olunan Fransa vətəndaşı Martin Rayanın məhkəməsi başlayıb. Prosesə Elmin Rüstəmov sədrlik edib.
-
Bazar ertəsi prezident İlham əliyev AZAL sərnişin təyyarəsinin həlak olmuş ekipajının ailə üzvlərini və yaralanan bort bələdçilərini qəbul edib.
-
Yanvarın 5-də saat 22:00-dan 22:10-dək Ermənistan Silahlı Qüvvələrinin bölmələri Gorus rayonunun Dığ və Xanazax istiqamətlərində yerləşən mövqelərindən Azərbaycan ordusunun Laçın rayonunun Zabux və Cağazur yaşayış məntəqələri istiqamətlərindəki mövqelərini atıcı silahlardan fasilələrlə atəşə tutub. Bu barədə Azərbaycan Müdafiə Nazirliyinin məlumatında deyilir.
Rəy yaz