NIDA-nın fəalı Şahin Novruzlunun doğmaları ona qarşı irəli sürülən ittihamları rədd edirlər

Martın 7-də “Odlar Yurdu” Universitetinin  3-cü kurs tələbəsi Şahin Novruzlunun yaşadığı evə  7 nəfər MTN əməkdaşı və 2 hal şahidi gəlib.  

Ş. Novruzlunun ailəsindən Turan-a bildirlib ki, “Molotov kokteyli”ni və narkotik maddəni onların gözü qarşısında evə gətiriblər və çəkiliş zamanı ailə üzvləri MTN əməkdaşlarının narkotiki və “Molotov kokteyli”nin evə gətirlməsinə etiraz edib. “Bu zaman ailə  ilə MTN əməkdaşları arasında mübahisə yaranıb. Bunların hamısı MTN-nin apardığı çəkilişdə var”, -ailə üzvlərindən biri bildirib.  “ Onlar kokteyli qapımızın ağzına qoydular”,  -qeyd ediblər.  Ailə evdən götürülmüş 94 min manat pulun onlara məxsus olduğunu bildirib. “Bu pulu biznes qurmaq üçün qohumlarımızdan toplamışıq”, -Turan-a  bildirib.       

“Şahin Novruzovun 18 yaşı hələ tamam olmayıb, o siqaret belə çəkmir”, - ailə bildirib.  

 Martın 9-da axşam MTN və Baş Prokurorluq NİDA təşkilatının üç üzvü – Bəxtiyar Quliyev, Şahin Novruzlu və Məmməd Əzizovun saxlanması ilə bağlı birgə məlumat yayıblar. 

Qeyd edək ki, siyasi fəalların üzərinə narkotik maddənin qoyulması Azərbaycanda geniş yayılmış praktikadır.

Lakin görünür, bu dəfə xüsusi xidmət “kreativ” hərəkət etmək qərarına gəlib və özləri ilə “Molotov kokteyli” gətirməklə “noy-hau” tətbiq ediblər. --03B06-