Hüquq müdafiəçiləri NİDA fəallarının siyasi motivlərlə həbs olunduqlarını bildirirlər

 Siyasi Azadlıqları Müdafiə Alyansı NİDA hərəkatının fəallarının həbsi ilə bağlı narazılığını ifadə edib və hakimiyyətin əməllərini pisləyib.

Alyansın bəyanatında deyilir ki, gənclərin real və virtual həyatı əvvəlcədən xüsusi xidmət tərəfindən izlənilib.

Alyans hesab edir ki, gənclərin həbsi onların ictimai fəaliyyəti, əsasən martın 10-da əsgər ölümlərinə etiraz aksiyasının keçiriləcəyi ilə bağlıdır.

Alyans bu həbsləri siyasi motivli hesab edir və toplaşma azadlığının pozulması kimi qiymətlndirir.

Alyans hakimiyyəti bu cür addımlar atmamağa, Azərbaycanın insan haqları sahəsində beynəlxalq öhdəliklərinə hörmətlə yanaşmağa və həbs olunanların dərhal azadlığa buraxılmasına çağırır.

* Siyasi Azadlıqları Müdafiə Alyansı fevralın 3-də bir qrup jurnalist, vətəndaş fəalı və hüquq müdafiəçisi tərəfindən yaradılıb, siyasi plüralizm və siyasi azadlıqların müdafiəsi ideyalarının təbliği istiqamətində fəaliyyət göstərir.06D--