Niderlandın ticarət nümayəndələrindən ibarət heyət birgə iqtisadi forumda iştirak etmək üçün mayın 17-20-da Azərbaycanda səfərdə olacaq. Bundan öncə isə Niderlandın iqtisadiyyat naziri Henk Kamp mayın 10-11-də Bakıda olacaq. Bu barədə çərşənbə günü Niderlandın Azərbaycandakı səfiri Robert Qabrielse ölkənin milli bayramına – Kral Gününə həsr olunan mətbuat konfransında bildirib.
Bundan əlavə, Niderlandın bəzi şirkətləri mayın 19-21-də Bakıda keçiriləcək Caspian Agro-2016 kənd təsərrüfatı sərgisində iştirak edəcəklər.
Səfirin sözlərinə görə, ötən il iki ölkə arasında əmtəə dövriyyəsi 120 mln. dollar təşkil edib və hazırda Niderlandın 50-dən çox şirkəti Azərbaycanda gəmiqayırma, logistika, ekologiya və s. sahələrdə fəaliyyət göstərir.
Niderland Azərbaycanda xarici investorlar üzrə ilk beşliyə daxildir, həmçinin daşqınların qarşısının alınması məsələsində Azərbaycan FHN ilə əməkdaşlıq edir.
Niderland şirkətləri su hövzələrinin təmizlənməsi və ətraf mühit üzrə layihələrə cəlb olunublar. Əsasən onlar Böyükşor gölünün təmizlənməsində iştirak ediblər. Abşeronda digər su hövzələrinin də təmizlənməsinə dair layihələr müzakirə olunur.
Siyasi əlaqələrə toxunan səfir ümidvar olduğunu bildirib ki, Azərbaycan 2017-2018-ci illərdə BMT Təhlükəsizlik Şurasının daimi olmayan üzvləri seçkisində Niderlandın namizədliyini dəstəkləyəcək.06C--
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz