![Nigar Yaqublunun həbsi iqtidarın milli-siyasi əxlaqı ayaqlaması sayılıb](https://turan.az/resized/media/2012/main/092500012474-750-500-resize.webp)
Nigar Yaqublunun həbsi iqtidarın milli-siyasi əxlaqı ayaqlaması sayılıb
Çərşənbə axşamı Müsavat Partiyasının qərargahında gənc müsavatçı Nigar Yaqublunun müdafiəsi üçün Müdafiə komitəsi təsis edilib.
Yazar Mehriban Vəzir komitənin sədri seçilib. Hüquqşünas Vaqif Hacıbəyli müdafiənin hüquqi prosedurlarına rəhbərlik edəcək. Bundan əlavə, komitənin gənclərlə, beynəlxalq qurumlarla iş üzrə bölmələrini yaradıb.
Müsavat partiyası başqanı İsa Qəmbər N.Yaqublunun bu il avqustun 25-də yol-nəqliyyat qəzasına görə həbsə alındığını deyib. Gənc siyasi fəal xanım haqqında istintaq müddətində həbs qərarı seçilməsi iqtidarın “qırmızı xətti keçməsi” sayılıb.
N.Yaqublu haqda həbs qərarı kobud səhv kimi dəyərləndirilib və hakimiyyətin bu səhvini düzəldəcəyinə inam olduğu üçün aktiv fəaliyyət olmadığı nəzərə çatdırılıb. Amma iqtidar bu addımı atmadığı üçün N.Yaqublunun müdafiə komitəsinin yaradıldığı deyilib. “Bu həbs iqtidarın hətta yol qəzası kimi hadisələrdən siyasi rəqiblərinə qarşı istifadə etməsidir”, - deyə Müsavat başqanı həbsə mövqe ifadə edib.
Onun fikrincə, bəzi iqtidar təmsilçiləri N.Yaqublnun həbsdən azad olunmasına razı olsa da, müəyyən qüvvə buna razı olmayıb. Müsavat lideri ad çəkmədən iqtidardakı bu qüvvə barədə təsəvvürləri olduğunu xatırladıb.
AXCP sədri Əli Kərimli həbsin siyasi motivli olduğunu birmənalı ifadə edib. Eyni hadisəni törədən digər şəxslərlə müqayisədə siyasi şəxsə ağır cəza verilməsinin siyasi məhbusluğun meyarlarından biri olduğu xatırladılıb. İndiki halda bu faktın N.Yaqublunun siyasi məhbus olmasını söyləməyə əsas verdiyi vurğulanıb. “Bu, təkcə Nigara yox, atasının siyasi fəaliyyətinə, müxalif mövqeli insanlara münasibətin ifadəsidir”, - deyə AXCP sədri həbsə dəyərləndirmə verib.
Bu həbsin həm də siyasi həyatda fəal olan xanımları qorxutmağa hesablandığı nəzərə çatdırılıb. İqtidarın özünə lazım olduqda milli mentalitetdən danışmasına diqqət çəkilib. İndiki halda N.Yaqublunun həbsi iqtidarın milli mentalitetlə alver etməsi, milli mentalitetin üstündən xətt çəkməsi sayılıb.
İqtidarın bu addımının izahı olmadığı nəzərə çatdırılıb. İndiyə kimi Azərbaycanda yol-nəqliyyat qəzasına görə hansısa xanımın həbsə alınmasının görünmədiyi qeyd edilib. Bu iqtidarın müxalif qüvvələrə düşmənçilik etməsinin nümunəsi kimi təfsir olunub. “Nigarın azadlığına nail olmaq üçün iqtidara beynəlxalq təzyiqləri gücləndirmək lazımdır”, - deyə Müsavat Partiyasının Mərkəz İcra Aparatının rəhbəri Arif Hacılı qeyd edib. Bu həbsin bütün cəmiyyət səviyyəsində ictimailəşdirilərək iqtidara qınaq halına salınmasının vacibliyi vurğulanıb.
Sonda komitə sədri M.Vəzir yaxın günlərdə komitənin konkret fəaliyyətə başlaması üçün toplantı keçiriləcəyi anonsu verib. -05C-
-
- İqtisadiyyat
- 25 Sentyabr 2012 17:09
-
- Cəmiyyət
- 25 Sentyabr 2012 19:25
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz