Azərbaycan, Ermənistan və Rusiya prezidentlərinin Sankt-Peterburq görüşündə Qarabağ münaqişəsinin mərhələli həlli haqqında prinsipial razılaşma əldə olunub. Bu sensasiyalı bəyanatı Azərbaycan Prezident Administrasiyası sədrinin müavini Novruz Məmmədov bu gün ANS telekanalına müsahibəsində bildirib.
“Bu görüş zamanı münaqişənin mərhələli həllinə üstünlük verildi. Yəni bundan sonra münaqişənin həllində mərhələli şəkildə irəliyə getmək lazımdır. Əvvəlcə Azərbaycanın 5 rayonunun (Ağdam, Füzuli, Cəbrayıl, Zəngilan və Qubadlı) azad olunması, ondan sonra 2 rayonun (Laçın və Kəlbəcər) azad olunması və dəhlizin (Ermənistan və Dağlıq Qarabağ arasında) müəyyən edilməsi. Daha sonra Dağlıq Qarabağın statusunun müəyyən edilməsi. Bu istiqamətdə tərəflər prinsip etibarilə razılığa gəldilər", - deyə Məmmədov bildirib.
Bununla belə, Məmmədov əvvəllər də olduğu kimi, Ermənistanın razılaşmaları pozmaq məqsədilə təxribata əl ata biləcəyini istisna etməyib. -03D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz