![Noyabrın 17-də Birləşmiş Millətlər Təşkilatı Beynəlxalq Məhkəməsi Ermənistanın Azərbaycana qarşı iddiası üzrə qərar qəbul edəcək](https://turan.az/resized/news/2023/8aoYTKmDWDXqjY71XT5fslCHgO1ToA0w3UfwOL74-750-500-resize.webp)
Noyabrın 17-də Birləşmiş Millətlər Təşkilatı Beynəlxalq Məhkəməsi Ermənistanın Azərbaycana qarşı iddiası üzrə qərar qəbul edəcək
Bakı/11.11.23/Turan: Noyabrın 17-də Birləşmiş Millətlər Təşkilatı Beynəlxalq Məhkəməsi Azərbaycanın Qarabağ bölgəsində Bakının hərəkətlərilə bağlı Yerevanın şikayətilə əlaqədar Ermənistanın Azərbaycana qarşı işi üzrə qərar qəbul edəcək.
Bakı Qarabağda antiterror əməliyyatı keçirdikdən sonra sentyabrın 28-də Ermənistan təhlükəsizlik tədbirlərilə bağlı Azərbaycana qarşı yeni iddialar irəli sürüb. Ermənistanın vəsatətində 10 bənd var. Onların arasında ayrı-seçkiliyin qadağan edilməsi haqqında konvensiyaları pozmamaq; qalan erməniləri deportasiya etməkdən çəkinmək və geri qayıtmalarına mane olmamaq; sentyabrın 19-20-də Bakının nəzarətinə keçmiş şəhər və kəndlərdən silahlı birləşmələri çıxarmaq; keçmiş separatçı rejimin keçmiş nümayəndələrinə qarşı cəza tədbirlərindən çəkinmək var.
Bakıda Ermənistanın məhkəməyə tələblərini əsassız və absurd adlandırıblar.
"Ermənistanın Azərbaycanın ərazi bütövlüyünə və suverenliyinə iddialarından əl çəkməməsi, Beynəlxalq Məhkəmənin sözügedən iş üzrə əvvəlki qərarına məhəl qoymadan azərbaycanlılara qarşı nifrətin qızışdırılması məqsədilə yeni iddialar irəli sürməsi tamamilə qəbuledilməzdir", - Azərbaycan Xarici İşlər Nazirliyinin rəsmi nümayəndəsi Ayxan Hacızadə bildirib.
O xatırladıb ki, 2023-cü ildə Ermənistan bu məhkəməyə üç dəfə müraciət edib. "Xatırladım ki, yanvarda Ermənistanın verdiyi üç vəsatətdən ikisi rədd edilib, biri məhdud qaydada təmin edilib. Mayda Ermənistanın vəsatətləri iyul ayında məhkəmə tərəfindən yekdilliklə rədd edilib", - Hacızadə vurğulayıb.
Ermənistanın son iddiası üzrə dinləmələr oktyabrın 12-də keçirilib. 06B
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz