Obama Ukraynada azadlığa dəstək aktını imzalayıb

ABŞ prezidenti Barak Obama “Ukraynada azadlığa dəstək aktı -2014” imzalayıb. Bu, ABŞ-ın Rusiyaya qarşı yeni sanksiyalar qəbul etməsinə imkan verəcək. Bu barədə dekabrın 19-da Reuters məlumat yayıb.

Hazırda Ağ Ev sanksiyaları genişləndirmək niyyətində deyil, lakin Rusiya ilə münasibətlər qəfil kəskinləşərsə prezidentin “avropalı tərəfdaşları və müttəfiqləri” ilə birlikdə operativ olaraq əlavə sanksiyalar tətbiq edə bilməsi üçün qanun lazımdr.

Vaşinqton “Rusiyaya qarşı sanksiyaları təkmilləşdirmək üçün” avropalı əməkdaşlarla işləməyi davam etdirmək niyyətindədir.

Eyni zamanda ABŞ prezidenti qeyd edib ki, Vaşinqton əvvəlkitək Rusiyada iqtisadi artım və sabitliyin olmasında maraqlıdır. Əgr Moskva lazımiı addımları atarsa sanksiyalar azala bilər.

Obama Krımın işğalına və uğursuz anneksiyasına, şərqi Ukraynada separatçılara dəstəyə son qoymağa” və Rusiyanın Minsk sazişinə uyğun olaraq götürdüyü öhdəliklərə əməl etməyə  çağırıb.

Bundan öncə ABŞ Konqresi Ukraynaya hərbi yardımın göstərilməsinə və Rusiyaya qarşı yeni sanksiyalara dair qanun layihəsini təqdir edərək imzalanmaq üçün prezidentə göndərib. Sənəddə qeyd olunur ki, NATO ölkələri, Ukrayna, Gürcüstan və Moldovaya qaz nəqli azalarsa Rusiyaya qarşı sanksiyalar “Rosoboronneft” və “Qazprom”a da aid edilməlidir.  02D-