Paşinyan Qarabağ problemi haqqında (yenilənib)
Yerevan/01.05.18/Turan: Ermənistan baş naziri vəzifəsinə namizəd və müxalifət lideri Nikol Paşinyanın fikrincə, Qarabağ münaqişəsinin həllinin güzəştli variantı yalnız Azərbaycan Dağlıq Qarabağ xalqının öz müqəddəratını təyin etməsi hüququnu tanıdığı təqdirdə müzakirə oluna bilər. Bu barədə Paşinyan deputatların dağlıq Qarabağ məsələsinin həlli ilə bağlı onun mövqeyi haqqında suallarına cavabda bildirib.
"Azərbaycanın erməni dövlətçiliyini məhv etməklə hədələdiyi bir şəraitdə güzəştdən danışmaq bir qədər qəribədir. Bu şəraitdə biz yalnız öz dövlətimizin müdafiə qabiliyyətinin artırılmasından danışa bilərik, hər hansı güzəşt variantı isə yalnız Azərbaycanın Dağlıq Qarabağ xalqının öz müqəddəratını təyin etmək hüququnu tanımağa hazır olduğu barədə dəqiq mesaj göndərəcəyi təqdirdə mümkündür, deyən Nikol Paşinyan əlavə edib: - başqa heç bir variant yoxdur". -02D-
* * *
2018 May 01 (Çərşənbə axşamı) 16:31:25
Ermənistan parlamenti bir neçə saatdır yeni baş nazirlə bağlı məsələni müzakirə edir
Yerevan/01.05.18/Turan: Mayın 1-də səhər saatlarından etibarən Ermənistan Parlamentində Nikol Paşinyanın ölkənin baş naziri vəzifəsinə namizədliyi ilə bağlı müzakirələr başlayıb.
Hakim respublika Partiyasının deputatları Paşinyana bir-birinin ardınca suallar verərək, onu əməlli-başlı dindirməyə məruz qoyublar.
Müzakirələr bir neçə saatdır davam edir və bunun sonu görünmür. Bu arada, parlamentin qarşısındakı meydanda 100 min nəfərin iştirak etdiyi mitinq keçirilir. Mitinq iştirakçıları Paşinyanı hökumət başçısı seçməyi tələb edirlər. Bununla belə, Respublikaçılar fraksiyasının lideri Şarmazanov bildirib ki, etiraz hərəkatının lideri Nikol Paşinyan hökumət başçısı ola bilməz. O, Paşinyanla dünənki görüşdən sonra bundan əmin olub.
Paşinyan özü parlamentdə bugünki çıxışında bildirib ki, Respublika Partiyasının səsverməni pozmaq cəhdləri sunamiyə səbəb olacaq. O, həmçinin növbədənkənar parlament seçkilərinin keçirilməsinin zəruri olduğunu qeyd edib.
Parlamentdə ümumilikdə 47 səsə malik olan müxalifət partiyaları Paşinyanın namizədliyini dəstəkləyiblər. Baş nazir seçilmək üçün 53 səsə ehtiyac var. 58 yer hakim Respublika Partiyasına məxsusdur. Müxalifətçi əvvəlcədən tərəfdarlarını səsvermə günü Respublika meydanında toplaşmağa çağırmışdı. -02D-
-
- Kənd təsərrüfatı
- 1 May 2018 16:19
-
- Cəmiyyət
- 1 May 2018 17:58
Siyasət
-
Gürcüstanın həbsdə olan sabiq prezident Mixail Saakaşvili Gürcüstan azərbaycanlılarını oktyabrın 26-da keçiriləcək parlament seçkilərində fəal iştirak etməyə çağırıb.
-
Səfir Mark Libbi bu gün doktor Qubad İbadoğlu ilə görüşüb və onun səhhəti ilə bağlı narahatlığını bildirib.
-
Oktyabrın 25-də Avropa İttifaqının (Aİ) Azərbaycandakı səfiri Peter Mixalko Xarici İşlər Nazirliyinə çağırılıb və Avropa Parlamenti tərəfindən 24 oktyabr tarixində qəbul edilmiş qətnamə, eləcə də bu qurumda baş tutmuş müzakirələr çərçivəsində Avropa Komissarı tərəfindən səsləndirilən əsassız və qərəzli fikirlər qəti şəkildə pislənib və bununla bağlı qarşı tərəfə etiraz notası təqdim edilib. Bu barədə Azərbaycan XİN-in mətbuat xidmətinin 25 oktyabr tarixli məlumatında deyilir.
-
Şimali Koreya Rusiyaya əlavə qoşun göndərməyi planlaşdırır, bu barədə Cənubi Koreyanın kəşfiyyat idarəsi məlumat yayıb. Belə ki, Cənubi Koreyadan 10 000-ə yaxın əsgərin cəlb edilməsi çərçivəsində 1500 hərbiçidən ibarət ilk qrup artıq Rusiyanın Uzaq Şərqində təlim keçir. Bu bölmələr 8-13 oktyabr tarixlərində Vladivostoka gəliblər, bu barədə Bloomberg yazır.
Rəy yaz