Polis etiraz edən müxalifətçilərin ilk qrupunu saxlayıb (yenilənib)

Parlamentin binası qarşısında “Parlament buraxılsın!” şüarını səsləndirən daha bir qrup fəal saxlanılıb.

Digər bir qrup fəal isə əvvəllər Əzizbəyovun abidəsinin yerləşdiyi parkın yanında saxlanılıb.

*Milli Məclisin binası qarşısında müxalifət fəallarının 5-6 nəfərdən ibarət ilk qrupu görünüb. Onlar “Parlament buraxılsın!” şüarını səsləndirirlər. Lakin polis dərhal onları saxlayaraq polis maşınlarına əyləşdirib.—03C06 -

Polis parlamentin binası önündə piketin qarşısını almaq üçün tədbirlər görür

Polis İctimai Palatanın Milli Məclisin binası qarşısında bugünkü etiraz aksiyasına yol verməmək üçün qabaqlayıcı tədbirlər həyata keçirir.

Belə ki, Yol Polisinin əməkdaşları parlamentin binası qarşısında  avtobusların dayanmasına icazə vermir.

Aksiyanı işıqlandırmaq üçün gələn jurnalistlər ağır şəraitdə işləməli olur. Güclü yağış yağır, külək əsir. Çoxsaylı jurnalistlər dayanacağa toplaşaraq saat 12:00-a təyin olunmuş aksiyanın başlanmasını gözləyirlər. 

Aksiya  icazəsiz mitinqlərə görə cəza tədbirlərinin sərtləşdirilməsinə etiraz olaraq keçirilir.

Bu gün parlament onları təsdiq etməlidir.-03B-