Bakı/02.05.19/Turan: Bu gün Heydər Əliyev Mərkəzində "Ayrı-seçkilik, qeyri-bərabərlik və zorakı münaqişəyə qarşı fəaliyyət naminə dialoq quraq" şüarı altında V Ümumdünya Mədəniyyətlərarası Dialoq Forumu işə başlayıb.
"Azərbaycanda əsrlər boyunca müxtəlif dinlər, etnik qruplar birgə yaşayıb, ölkəmizdə daim dini tolerantlıq hökm sürüb", - prezident İlham Forumdakı çıxışında bildirib.
Onun sözlərinə görə, Azərbaycanda multikulturalizm dövlət siyasətinin mühüm tərkib hissəsidir.
2016-cı il Azərbaycanda multikulturalizm, 2017-ci il isə "İslam həmrəyliyi ili" elan edilmişdi.
Dövlət başçısı hesab edir ki, multikulturalizmin dünyada tendensiya halı alması sülhə, tərəfdaşlığa beynəlxalq səviyyədə vacib töhfə olardı, həm də multikulturalizm, bu yöndə Azərbaycanda keçirilən digər silsilə beynəlxalq tədbirlər mühüm əhəmiyyət kəsb edir.
"Bakı Prosesi"nin BMT və digər mötəbər təşkilatlar tərəfindən dəstəkləndiyini deyən prezident dövlət siyasətinin dünya ölkələri ilə əməkdaşlığın və tərəfdaşlığın genişləndirilməsinə yönəldiyini vurğulayıb.
İ.Əliyev ölkənin həyata keçirdiyi nəhəng layihələrə toxunaraq Azərbaycanın təşəbbüsü ilə yaradılan beynəlxalq nəqliyyat dəhlizlərinin ölkələr və xalqlar arasında əlaqələrin daha da möhkəmlənməsinə xidmət etdiyini bildirib.
Qarabağ münaqişəsinə toxunan İ.Əliyev deyib ki, münaqişənin yaratdığı problemlərə baxmayaraq, Azərbaycan sürətlə inkişaf edir.
Qeyd edək ki, Forum Azərbaycan hökumətinin təşkilatçılığı, YUNESKO, BMT Sivilizasiyalar Alyansı, Ümumdünya Turizm Təşkilatı, Avropa Şurası və İSESKO-nun tərəfdaşlığı ilə keçirilir. Tədbirdə 100-dən çox ölkədən yüksək vəzifəli rəsmi şəxslər və 30-dan çox beynəlxalq təşkilat iştirak edir.06D-
Siyasət
-
Noyabrın 14-də Bakıda keçirilən COP29 konfransının keçirildiyi yerdə bir qrup fəal "Pay up" ("Ödəmə vaxtıdır") şüarı altında aksiya keçirib.
-
Ermənistan baş naziri Nikol Paşinyan bildirib ki, həm prezident İlham Əliyev, həm də o, Ermənistan və Azərbaycan üçün təkcə sülh sazişi və digər razılaşmaların əldə olunması deyil, eyni zamanda sülh içində birgə yaşayış üçün strateji sazişin imzalanması zərurəti olduğunu qəbul edirlər. O, bu fikirləri noyabrın 13-də parlamentin iclasında səsləndirib.
-
Fransanın ekologiya, energetika və iqlim naziri Anyes Pannye-Runaşe (Agnès Pannier-Runacher). "Əliyevin COP29-un açılış mərasimində Fransa və Avropa ilə bağlı şərhləri qəbuledilməzdir. Ölkəmizə, onun institutlarına və ərazilərinə birbaşa hücumlar əsassızdır.
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
Rəy yaz