Prezident İlham Əliyev övladlarının siyasətlə məşğul olub-olmayacağını bilmir

Prezident İlham Əliyev Bakıda keçirilən V Ümumdünya xəbər agentlikləri konqresinin iştirakçıları ilə görüşündə öz övladlarının siyasətə gəlməsinin imkanları barədə sualı cavablandırıb.

Belə ki, İsveçin “TT” agentliyinin baş direktoru Yonas Olof Erikson maraqlanıb ki, İ.Əliyev övladlarının siyasi xadim olacağını gözləyirmi?

“Bu, onların öz istək və planlarından asılıdır. Fikrimcə, hələlik onlar öz işlərindən razıdır”, - İ.Əliyev deyib. Onu sözlərinə görə, övladları mədəni və sosial məsələlərdə çox fəaldır. Yeri gəlmişkən, onların ikisinin media ilə əlaqəsi var. “Böyük qızım uzun illərdir ki, Azərbaycanı Rusiya və beynəlxalq auditoriyada təmsil edən “Bakı” jurnalının baş redaktorudur.

İkinci qızım da jurnalistika məsələləri ilə ilə məşğul olur. O, jurnalist təhsili alıb, zəngin tarixi olan Azərbaycan haqqında sənədli film üzərində izləyir, digər tədbirlərdə iştirak edir”, - o bildirib.

Dövlət başçısı oğlu barədə bunları deyib: Oğlum tələbədir. Onun gələcək seçimi özündən asılı olacaq. O, Bakıda iqtisadiyyat üzrə təhsil alır. Beləliklə, bu, onların qərarı olacaq. Azərbaycanda hamı üçün bərabər imkanlar yaradılır. Onlar öz gələcəklərini siyasətlə bağlamaq istəsələr, bu, onların seçimi olacaq.06D—