Prezident İlham Əliyev: «Qarabağa muxtar respublika statusu təklif edilib»
Azərbaycan Dağlıq Qarabağa muxtar respublika statusu verməyə hazırdır. Bunu prezident İlham Əliyev rusiyalı telejurnalist Dmitri Kiselyova müsahibəsində bildirib. “Yerli özünüidarəetmə, Dağlıq Qarabağın özünü idarə etməsi kompromis mövzusu ola bilər. Əgər gələcəkdə biz razılığa gəlsək, bu özünüidarəetmə muxtar respublika formasında da ola bilər”, - İ.Əliyev vurğulayıb.
”Ermənistan rəhbərliyi bunu yaxşı bilir, ancaq ictimai rəylə manipulyasiya edir, danışıqların mahiyyətini təhrif edərək məsələni elə təqdim edir ki, sanki Azərbaycan erməni əhalini məhv etmək və qovmaq istəyir. Bu, belə deyil”, -İ.Əliyev bildirib.
Sonra o deyib ki, Azərbaycan Qarabağa müstəqillik verilməsinə razı olmayacaq.
“Ərazi bütövlüyümüz kompromis mövzusu ola bilməz.
”Biz heç zaman Dağlıq Qarabağa müstəqillik verilməsinə razı olmayacağıq. Ancaq ağıllı kompromis mümkündür:
Dağlıq Qarabağ əhalisinin təhlükəsizliyinin, həyat və fəaliyyətinin, özünüidarəetməsinin təmin olunması, Azərbaycan tərəfindən müxtəlif investisiya layihələrinin həyata keçirilməsi.
İki xalqın sülh şəraitində birgə yaşayışı keçmiş Dağlıq Qarabağ Muxtar Vilayəti ətrafındakı ərazilərin azad edilməsi nəticəsində mümkündür”, - o vurğulayıb.
Münaqişənin həll edilməməsinin əsas səbəbi Ermənistanın Qarabağa muxtariyyət verilməsinə razı olmaması və azərbaycanlı qaçqınları qovulduqları ərazilərə buraxmaqdan imtina etməsidir.-02D-
-
- İqtisadiyyat
- 18 Oktyabr 2016 13:31
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz