Prezident İlham Əliyev: “Rusiyanın Gümrüdəki bazası Ermənistan Silahlı Qüvvələrinə silah verir”

Bakı/27.10.20/Turan: Ermənistanın baş naziri bəyan etməlidir ki, erməni tərəfi nizamlanmanın baza prinsiplərini qəbul edir. Bu o deməkdir ki, ermənilər Qarabağ ətrafındakı yeddi rayonu azad edir və azərbaycanlı qaçqınlar bu yerlərə, o cümlədən Dağlıq Qarabağa və Azərbaycanın Şuşa şəhərinə qayıdırlar. Bu barədə Azərbaycan prezidenti İlham Əliyev İtaliyanın RAI-1 telekanalına müsahibəsində sualı cavablandırarkən deyib: “Azərbaycan hansı şəraitdə hərbi əməliyyatları dayandırmağa hazırdır” sualına cavabda bildirib.

İ.Əliyev Suriya terrorçularının müharibədə Azərbaycan tərəfində iştirakı ilə bağlı insunasiya adlandırıb. “Bir aya yaxın vaxt keçib, ancaq bizə heç bir dəlil, heç bir sübut təqdim edilməyib”, - İ.Əliyev deyib.

O, həmsədr ölkələri qeyri-obyektivlikdə ittiham edib. “Mən təəssüflənirəm ki, bu cür əsassız ittihamlar həmsədr ölkələrdən daxil olur. Onlar obyektiv olmalıdırlar. Axı, biz Rusiyadan Ermənistana nə qədər silah göndərilməsi barədə hər gün danışmırıq. Axı, biz demirik ki, bu gün kənardan kömək olmasa Ermənistan işğal edilmiş ərazilərdə bircə gün də dayana bilməzdi. Ermənistana həm siyasi dəstək, həm hərbi, həm də mənəvi dəstək verilir, özü də bunlar bitərəfliyə riayət etməli olan ölkələr tərəfindən gəlir”, - dövlət başçısı qeyd edib.

Türkiyə qoşunlarının Azərbaycan tərəfində iştirak etməsinə dair ittihamlar da yalandır. “Axı, biz demirik ki, Ermənistan ərazisində Rusiyanın neçə MiQ-29, Su-30 təyyarəsi var. Axı, biz demirik ki, Ermənistanda, Gümrüdəki bazada Rusiyanın 5 minlik qoşunu var bu bazadan vaxtaşırı Ermənistan Silahlı Qüvvələrinə təchizat göndərilir. Bütün bunlar faktdır”, - İ.Əliyev bildirib. -02D-