Bakı/20.01.18/Turan: Mərkəzi Seçki Komissiyası (MSK) 2018-ci ilin oktyabrında keçiriləcək növbəti prezident seçkilərinə hazırlığa başlayıb. Bu barədə bu gün MSK sədri Məzahir Pənahov jurnalistlərə bildirib.
O qeyd edib ki, Seçki Məcəlləsinə uyğun olaraq seçkilər oktyabrın üçüncü çərşənbə günü, yəni oktyabrın 17-də olacaq.
Hazırda seçici siyahıları dəqiqləşdirilir.
M.Pənahovun sözlərinə görə, seçki məntəqələri üzrə seçici siyahılarının dəqiqləşdirilməsi fevralın 5-dək başa çatdırılacaq. Məntəqələrdən toplanan seçici siyahıları üzrə məlumatlar dairə seçki məntəqələrinə veriləcək.
MSK-nın 2017-ci ilin mayına olan məlumatına görə, Azərbaycanda seçicilərin sayı 5 mln. 163 min 250 nəfər təşkil edib.-06D--
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz