Putin maaşını 10% azaldıb, növbə Əliyevdədir

Martın 1-dən etibarən Rusiya prezidenti Vladimir Putin öz maaşını 10% azaldıb. Qeyd edilir ki, baş nazir Dmitri Medvedevin əmək haqqı da azaldılıb. Bu barədə gazeta.ru Kremlə istinadən məlumat yayıb.

“2015-ci il martın 1-dən dekabrın 31-dək Rusiya Prezidentinə, Rusiya Federasiyası hökumət sədrinə (...) pul mükafatı, aylıq və rüblük pul ödənişləri 10% azaldılmaqla ödənilsin”, deyə sənəddə qeyd edilir.

Putinin bu jestini uzunmüddətli iqtisadi böhran zolağına qədəm qoymuş Rusiya əhalisinin yoxsullaşmaqda davam etdiyi bir şəraitdə piar addımı kimi qiymətləndirmək olar. Prezidentin piarına elə bu yaxınlarda, 1 may 2014-cü ildə nisbətən rifah şəraitində Putinin öz əmək haqqını və baş nazirin maaşını 2,65 dəfə artıraraq, 5600 dollara çatdırması faktı dəlalət edir. İndi Rusiya prezidenti 600 dollar az – 5040 dollar alacaq.

Amma istənilən halda, planetin quru hissəsinin 1/9-nin liderinin kiçik Qafqaz dövləti olan Azərbaycanın prezidenti İlham Əliyevdən xeyli az əmək haqqı alması ilə qürur duya bilərlər. Əliyev Putindən 3,27 dəfə çox, 16,5 min dollar maaş alır. Doğrudur, 2005-ci ilin dekabrında ad günü ərəfəsində Əliyev 19,6 min dollar təşkil edən əmək haqqını 15,8% azaldıb. Parlamentin dövlət quruculuğu üzrə daimi komissiyasının sədri Əli Hüseynov həmin vaxt prezidentin qərarını “onun sadəlövhlüyünün və siyasi mədəniyyətinin sübutu” kimi dəyərləndirmişdi.

MDB-də ən yüksək maaş alan prezident Əliyevin hazırki sosial-iqtisadi böhran, manatın devalvasiyası və əhalinin gəlirlərinin xeyli azalması şəraitində necə addım atacağı hələlik aydın deyil.

135 dollardan 105 dollara qədər devalvasiya nəticəsində manatla minimum əmək haqqı azalıb, yaşayış minimumu isə 160 dollardan 125 dollara qədər azalıb. -0-