![Qeyri-formal sammit qarşılıqlı təbriklərlə başa çatıb](https://turan.az/resized/media/2017/main/122700006513-750-500-resize.webp)
Qeyri-formal sammit qarşılıqlı təbriklərlə başa çatıb
Bakı/27.12.17/Turan: Dekabrın 26-da Novo-Oqoryevoda MDB dövlət başçılarının qeyri-formal sammiti keçirilib. Görüş iştirakçıları müxtəlif sahələrdə əməkdaşlıq və inkişaf məsələləri ilə bağlı fikir mübadiləsi aparıblar, Ren.tv bildirib.
RF prezidenti Vladimir Putinin sözlərinə görə, MDB ölkələri yaxşı nəticələr əldə ediblər. O deyib ki, il səmərəli olub. İnnovasiyalar, nüvə energetikası, nəqliyyat təhlükəsizliyi sahələrində sazişlər qüvvəyə minib. Bununla yanaşı dövlət başçıları beynəlxalq məsələlərə də toxunublar.
MDB liderləri V.Putini Suriyada əməliyyatın uğurla başa çatması ilə təbrik ediblər və beynəlxalq terrorizmə qarşı mübarizədə Rusiyanın xüsusi xidmətlərini qeyd ediblər.
V.Putin bildirib ki, Rusiya öz tərəfdaşları ilə birlikdə bundan sonra da sosial-iqtisadi inkişaf, sabitliyin möhkəmləndirilməsi və MDB dövlətlərinin təhlükəsizliyi məsələləri üzərində işləyəcək.
O, ölkələr arasında əmtəə dövriyyəsinin xeyli artdığını, terrorizmə və mütəşəkkil cinayətkarlığa qarşı mübarizədə səylərin möhkəmləndiyini qeyd edib.
TASS-ın məlumatına görə, V.Putin hesab edir ki, MDB ölkələri arasında qarşılıqlı əlaqələr xalqların maraqlarına cavab verir.
Görüşdən sonra prezidentlər bir-birini qarşıdan gələn Yeni il münasibətilə təbrik ediblər. Növbəti sammit gələn il MDB-yə sədrlik edəcək Tacikistanda keçiriləcək.-0-
-
- Söz istəyirəm
- 27 Dekabr 2017 11:13
-
- Maliyyə
- 27 Dekabr 2017 12:25
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz