![Metronun "Koroğlu" stansiyası yaxınlığında qəza vəziyyəti](https://turan.az/resized/media/2017/main/122700006512-750-500-resize.webp)
- Söz istəyirəm
- 27 Dekabr 2017, 11:13
- 165
Metronun "Koroğlu" stansiyası yaxınlığında qəza vəziyyəti
"Koroğlu" stansiyası yaxınlığında taksilər və şəxsi sürücülər avtobusların hərəkətinə imkan vermir, sərnişinlərə mane olur və mərkəzi yolda avtomobil axınını çətinləşdirir, həm də bu, yol polisinin və digər məsul şəxslərin gözü önündə baş verir, çünki bu ərazidə videomüşahidə sistemi var.
Bu günlərdə Facebook sosial şəbəkəsində ictimaiyyətin diqqətini növbəti dəfə metronun "Koroğlu" stansiyası yaxınlığındakı vəziyyətə çəkən videoçarx yayılıb. Kadrlarda taksi yığınının avtobus dayanacağına keçidləri tutduğu açıq-aydın görünür. Yaranmış vəziyyətdə avtobuslar yolun hərəkət hissəsində dayanmaq məcburiyyətində qalırlar, sərnişinlər isə öz marşrutlarını birbaşa yoldan keçən maşınların təkərləri altında gözləyirlər.
"Metronun "Koroğlu" stansiyası yaxınlığında biabırçılıqdır. Vəziyyətə heç kim nəzarət etmir", deyə videonun altında qeyd yazılıb. Baş verənləri şəxsən görmək istəyən Turan-ın müxbiri oraya gedib. Burada videomüşahidə kameralarının quraşdırılmasına baxmayaraq, bir sıra taksilər, həqiqətən də, avtobus dayanacağını zəbt ediblər, avtobusların keçməsi üçün yer qoymayıblar, vətəndaşlar isə nəqliyyat vasitəsinə yolun hərəkət hissəsində minməli olurlar.
Baş verənlərə görə məsuliyyət daşıyan dövlət qurumlarına bu ərazidə qəza vəziyyəti yarandığı barədə xəbərdarlıq edirik.
Metronun "Koroğlu", "Nərimanov", "20 Yanvar" stansiyalarının ətrafında "Yol hərəkəti haqqında" qanunun 11-ci maddəsi pozulur. Bu maddədə deyilir ki, "Taksilərin sərnişinləri mindirmək və düşürtmək üçün xüsusi olaraq müəyyən edilmiş və 5.14 nişanı ilə işarələnmiş duracaq yerlərindən kənar yerlərdə sifariş qəbul etmək məqsədilə durması qadağandır". Bir neçə il əvvəl Milli Məclis İnzibati Xətalar Məcəlləsinə cəmi bir dəfə xüsusi sürücülərə qarşı tələbləri sərtləşdirən dəyişiklik edib . Taksiçilər isə, əksinə, məsuliyyətdən azad edilib", deyə "Sürücülərin Maarifləndirilməsinə Kömək" İctimai Birliyinin sədri Fazil Məmmədov Turan-ın sorğusuna cavabda bildirib.
Söhbət İnzibati Xətalar Məcəlləsinin dayanma, durma və parketmə qaydalarının pozulması haqqında 158-1-ci maddəsindən gedir. Düzəlişlərdən əvvəl sənəddə taksilərin nəzərdə tutulmayan yerdə park edilməsinə görə cərimə nəzərdə tutulurdu. "Ümumi istifadədə olan nəqliyyat vasitəsini sərnişinləri mindirmək və ya düşürtmək üçün bu məqsədlə xüsusi olaraq müəyyən edilmiş dayanacaq meydançalarından və ya 5.12, 5.13 nişanları ilə işarələnmiş dayanacaq yerlərindən kənarda dayandırmağa görə 60 manat məbləğində + 4 bal cərimə edilir".
"Düzəlişlərdən sonra cərimə haqqında bir kəlimə belə qalmadı. YHQ-yə əsasən, taksiçilər yalnız 5.14 nişanı ilə işarələnmiş yerlərdə dayana bilərlər, amma İnzibati Xətalar Məcəlləsinə növbəti düzəlişlərdən sonra bu pozuntuya görə cərimə ləğv edilib. Cəzasızlıq özbaşınalığa gətirib çıxarıb", deyə F.Məmmədov bildirib. Onun sözlərinə görə, İnzibati Xətalar Məcəlləsinə əsasən, vətəndaşlar Baş Yol Polisi İdarəsindən qanuna riayət edilməsini, bu halda isə təqsirkarların məsuliyyətə cəlb edilməsini tələb etmək hüququna malikdirlər.
Bunun üçün elə həmin "Koroğlu" stansiyasının ətrafında baş verənlərin şahidi Baş Yol Polisi İdarəsinə əşyavi dəlillər: tarixi, saatı, ərazi ilə əlaqəsini əks etdirən və nəqliyyat vasitəsinin nömrəsi dəqiq oxunan foto və ya videomateriallar təqdim etməlidir, əks halda dəlilin heç bir qüvvəsi olmayacaq. Fotomateriallar təqdim edildiyi halda avtomobilin nəzərdə tutulmayan yerdə park etməsi və ya dayanması faktının sübutu kimi iki fotoşəkil tələb olunacaq. Taksilərin avtobus dayanacağında və xüsusi olaraq nəzərdə tutulmuş "5.14" nişanı ilə işarələnmiş meydançalardan başqa bir yerdə dayanmaq hüququ yoxdur, avtobuslar "5.12" nişanı ilə işarələnmiş yerlərdə dayanmalıdır.
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz