QMİ: Qüds bütün bəşərə məxsus sülh və dialoq məkanı olmalıdır

Bakı/12.12.17/Turan: Qafqaz Müsəlmanları İdarəsi (QMİ) Qüdslə bağlı bəyanat yayıb.

Bəyanatda deyilir ki, dini hisslərin siyasi məqsədlər üçün sui-istifadəsi yolverilməzdir və Qüds bütün bəşərə məxsus sülh və dialoq məkanı olmalıdır.

"Bu gün dünyamızda baş verənlər bizi narahat edir. Dözümsüzlük, milli, dini zəmində qarşıdurma, ksenofobiya, islamofobiya, terror, ekstremizm hallarının səngimədiyi bir dönəmdə müqəddəs dəyər olan insan həyatının qorunub saxlanılması, sülh və sabitliyin bərqərarı yönündə addımların atılması zəruridir. Milyonlarla insanın həyatı bahasına başa gələcək siyasi qərarlar verilərkən onların olduqca təhlükəli fəsadlar, mümkün qarşıdurma və ədavət törətmə ehtimalı göz önünə alınmalıdır. Nəzərdən qaçırılmamalıdır ki, insanlar arasında milli, dini zəmində nifrət və qarşıdurma səbəbindən bəşəriyyət sonu görünməyən bir uçuruma gedə bilər", bəyanatda deyilir.

QMİ hesab edir ki, Qüdsün paytaxt elan edilməsi qeyri-məqbuldur. Bu, nəinki müsəlmanların, hətta qeyri-müsəlmanların da hüquqlarının pozulmasına gətirib çıxara bilər.

İdarə 1967-ci ildə qəbul edilmiş BMT Təhlükəsizlik Şurasının Fələstin xalqının hüquqlarını təsbit edən üdslə bağlı qətnaməsinin yerinə yetirilməsinə israr edir.-16d-