Oktyabrın 8-də prezident İlham Əliyev və vitse-prezident Mehriban Əliyevanın iştirakı ilə Bakının Qaradağ rayonunda məcburi köçkünlər üçün salınmış "Qobu Park-2" yaşayış kompleksinin açılışı zamanı insident yaranıb.
Bu barədə "Azadlıq" radiosuna ətraf ərazidə yaşayan sakinlər məlumat veriblər. Onların sözlərinə görə, bu vaxta kimi ev ala bilməyən məcburi köçkünlər yaşayış kompleksinin yanına gələrək prezidentə şikayət etmək istəyiblər. Lakin əraziyə cəlb olunmuş çoxsaylı polis əməkdaşları buna imkan verməyiblər və vətəndaşları ərazidən uzaqlaşdırıblar.
Məlumata görə, bir neçə nəfər saxlanılaraq Qaradağ Rayon Polis İdarəsinə aparılıb.
Daxili İşlər Nazirliyindən və Qaradağ Rayon Polis İdarəsindən məsələ ilə bağlı məlumat almaq mümkün olmayıb.--0--
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz