Bakı/12.12.17/Turan: Qüdsün İsrailin paytaxtı olaraq tanınması yeni məsələ deyil. ABŞ konqresi çoxdan bunu qəbul edib. Amma bu istiqamətdə konkret addımlar atılmırdı. Bu barədə şərqşünas Fərda Əsədov Turan-ın xahişi ilə Donald Trampın Qüdsü İsrailin paytaxtı kimi tanımasını və ABŞ səfirliyinin oraya köçürülməsini şərh edərkən bildirib.
Tramp həyata keçirdiyi siyasətə uyğun olaraq bu kəskin addımı atıb, bu da ABŞ-da, bir sıra ərəb ölkələrində və digər ölkələrdə kəskin etirazlara səbəb olub.
Bu fonda ərəb dünyası Rusiya ilə yaxınlaşma nümayiş etdirir ki, bu da Yaxın Şərqdə Moskvanın rolunu artırır.
Əsədov vəziyyətin gərginləşməsinin Yaxın Şərqdə bu və ya digər formada müharibəyə səbəb ola biləcəyini istisna etməyib.
"Ərəb dünyası böhran yaşayır və Körfəz ölkələri arasında bu məsələdə fikir ayrılıqları var", deyə Əsədov qeyd edib.
Dekabrın 13-də İstanbulda keçiriləcək İslam Əməkdaşlıq Təşkilatına üzv dövlət başçılarının fövqəladə sammitinə gəlincə, Əsədov belə deyib: "Güc tətbiqi haqqında hər hansı qərarın və ya buna çağırışın olacağını düşünmürəm. Kənardan vəziyyət daha çox müharibəyə yaxın kimi görünə bilər, amma əslində tərsi - dinc danışıqlara israrlı çağırış ola bilər.
Müəyyən sanksiyalara çağırış da ola bilər, amma bunu iddia etmək çətindir", deyə Əsədov qeyd edib.
Onun fikrincə, sammitin Türkiyədə keçirilməsi İslam dünyasında onun nüfuzunu artırır.-05B06-
Siyasət
-
Azərbaycanla Avropa İttifaqı arasında icazəsiz yaşayan şəxslərin readmissiyası haqqında saziş çərçivəsində noyabrın 26-da Almaniyadan 37 Azərbaycan vətəndaşı geri qaytarılıb.
-
Bakı-Qazax avtomagistralının Tovuzdan keçən hissəsində qəza qeydə alınıb. Avtomobillərin toqquşması nətisində altı nəfər aldığı xəsarətdən dünyasını dəyişib.
-
Rəsmi Bakı Polşa prezidenti Ancey Dudanın Ermənistana rəsmi səfəri zamanı Azərbaycanla sərhədə getməsini pisləyib.
-
Times of India nəşrinin məlumatına görə, Pinaka raket sistemlərinin ilk partiyası Ermənistana göndərilib.
Rəy yaz