Ankara Rusiya qoşunlarının Suriyadan çıxarılacağına inanmır

Ankara/12.12.17/Turan: Türkiyə Moskvanın hərbi kontingentini Suriyadan çıxarmaq niyyətinə şübhə edir, bu barədə Türkiyə XİN başçısı Mövlut Çavuşoğlu bildirib.

"Rusiyanın onsuz da Suriyada iki bazası və ölkənin müxtəlif rayonlarında yerləşən hərbiçiləri var. Regionda ABŞ bazaları da var. Odur ki, Rusiya kontingentinin Suriyadan çıxarılması haqqında bəyanatlar çox da real səslənmir", deyə Türkiyənin NTV telekanalı Çavuşoğlundan sitat gətirir.

Nazir xatırladıb ki, Rusiya əvvəllər də hərbiçilərini Suriyadan çıxarıb, amma sonradan onların sayını artırara yenidən ölkəyə göndərib.

"İstənilən halda Suriyada İŞİD terrorçuları ilə mübarizədə böyük irəliləyiş əldə edilib. Bəşər Əsəd rejimi, İran və Türkiyə diqqətini başqa məsələlərə yönəldib", deyə Çavuşoğlu qeyd edib.

Onun sözlərinə görə, hazırda Suriyada əsas təhlükə mənbəyi PYD terror təşkilatıdır (PKK-nın Suriya qolu).

Rusiya prezidentinin Suriyada rejimin başçısı Bəşər Əsədlə görüşünü şərh edən nazir qeyd edib ki, Türkiyənin Əsəd rejiminə münasibəti dəyişməyib. -02D-