Bakı/12.12.17/Turan: Dekabrın 12-də axşam dövlət başçısı İlham Əliyev İslam Əməkdaşlıq Təşkilatının (İƏT) Qüds məsələsi ilə bağlı sammitində iştirak etmək üçün İstanbula yola düşüb.
Türkiyə KİV-lərinin yaydığı məlumata görə, iclas çərçivəsində dekabrın 13-də Türkiyə prezidenti Recep Tayyip Erdoğan islam ölkələrinin liderləri ilə görüşəcək və birgə addımları müzakirə edəcək. İclasın yekunlarına görə yekun bəyannamə dərc ediləcək.
İclasda 48 ölkənin nümayəndələri iştirak edəcəklər. 16 ölkə (Əfqanıstan, Azərbaycan, Banqladeş, İndoneziya, Fələstin, Qvineya, İran, Qatar, Küveyt, Liviya, Livan, Somali, Sudan, Toqo, İordaniya və Yəmən) dövlət başçıları səviyyəsində təmsil ediləcək.
Cibuti, Malayziya və Pakistan baş nazirlər səviyyəsində təmsil ediləcək.
Komor adaları dövlət katibi, Oman baş nazir müavini, Qazaxıstan və Ösbəkistan parlament spikerləri tərəfindən təmsil ediləcək.
İƏT-də müşahidəçi statusuna malik olan Şimali Kipr Türkiyə Respublikasını prezident Mustafa Akıncı təmsil edəcək. Venesuelanı iclasda fəxri qonaq qismində prezident Nikolas Maduro təmsil edəcək. -02D-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz