Roqozin Azərbaycanla hökumətlərarası komissiyanın həmsədri oldu

RF baş naziri Dmitri Medvedev baş nazirin müavini Dmitri Roqozinin Azərbaycanla hökumətlərarası komissiyanın Rusiya hissəsinin sədri təyin edilməsi haqqında sərəncam imzalayıb, xəbəri İTAR-TASS yayıb.

Hərbi-sənaye kompleksinə rəhbərlik edən Roqozin bu vəzifədə RF prezidentinin Şimali Qafqaz federal mahalında səlahiyyətli nümayəndəsi Aleksandr Xloponini əvəz edib.

Turan-ın fikrincə, bu dəyişiklik regional münasibətlər prioritetinin hərbi-ticarət aspektinə keçməsi demək ola bilər. Komissiyanın Azərbaycan hissəsinə baş nazirin birinci müavini, müdafiə sifarişlərini idarə edən Yaqub Eyyubovun rəhbərlik etməsi faktı da bu versiyanın xeyrinə dəlalət edir.

Hərbi-texniki əməkdaşlıq mövzusuna RF SQ Baş Qərargah rəisi Vitali Gerasimovun aprelin 7-8-də Bakıya səfəri zamanı da baxılıb.

Azərbaycan Rusiya silahının ənənəvi alıcısıdır. Son 4 ildə Bakı 3,35 mlrd. dollarlıq silah idxal edib, bunun 80%-i Rusiyadan alınıb.

Doğrudur, son bir ildə İsrail və Türkiyə tədarükləri istiqamətinə yönəlmə baş verib ki, bu da Moskvanı narahat etməyə bilməzdi.

Dmitri Roqozinin təyin edilməsi maraqların balansını bərpa etməlidir. Bu, Rusiyada HSK-yə də toxunan iqtisadi böhran şəraitində az əhəmiyyət daşımır.

Həmçinin əlavə etmək lazımdır ki, Roqozin yeni vəzifəsində İlham Əliyevlə bərabər münasibətlərinə söykənə bilər. Bu münasibətlər onlar hər ikisi AŞPA-da öz ölkələrinin nümayəndə heyətlərinə rəhbərlik edərkən qurulub. -0-